هي-هو و 30 يوم ..

الحلقة 1 الجزء الأول 

هي 

الاتنين 25 غشت 

تنشوف ساعة في يدي دبا 9:33 ديال صباح ..راكبة مع بابا في السيارة ومن غير العادة ساكتة وسرحانة تنخمم تنفكر كيفاش غادي ندوز إنترتيان لعندي في شركة لتنعتبرها بداية كبيرة لمسيرة مهنية ديالي يلا تقبلت فيها.. تنفكر كيفاش نجاوب كيفاش خصني نبان وتا ضحكتي كيفاش خصها تكوني وأنا صابحة ضحكة ماشية ليا..واش غادية نتقبل وللا ؟ ليوم هو فرصتي باش نبدا نحقق أحلام ديالي بتحقيقي لهاد لحلم ...

بش نعرف على نفسي أنا إسمي أحلام في عمري 23 سنة ..وبتدقيق هو 23 سنة و-11 شهر و 3 أيام، تنتمي أسرة ميسورة الحال بابا مأسس شركة صغيرة ديال المعلوميات وتكنولوجية... و الام ديالي كانت استادة قبل متستقل عندي 2 خواتات او أنا لمتوسطة فيهم ولغريب أنهم بزوج مزوجات .. ختي لكبيرة عندها 28 سنة و تزوجت في سن 22 وعندها 2 ولاد توام آدم ويحيى عندهم 4 سنين ..ختي صغيرة عندها 21 سنة تزوجت عام هادي تزوجت ولد خالتي لكانت تتبغيه وفش تقدم لها سمحت في قريتها على قبلو. أما أنا قصتي مع زواج مختلفة تقدم ليا جوج وحدين و رفضت، واحد والد صاحبة ماما او واحد جار خالتي لشفني في عرس ختي لصغر مني تنشتح هههه وخى أنا مشي هديك لبنت لتنشطح مزيان أنا من نوع دير صواب و تشد أرض،أما بخصوص ولاد عائلة فأنا هي هديك بنت عائلة لتتخلعهم زوينة جايبة لعين ولكن شخصيتي ممفهوماش لهم معنديش مع الهادرة بزاف ولا تعمر بزاف بحال شطيح تندير صواب وصافي رغم أنا شخصيتي لتتبان تتختلف على شخصيتي لداخل ديالي .. بالنسبة ليا زواج أخر حاجة تنفكر فيها، عندي طموح بغى نتبت داتي وبغى نستفد من حياتي بأكتر طريقة ممكنة، و بإعتبار الأب ديالي هو قدوتي في الحياة ولبدا حياتو من 0 او وصل لهاد مستوى لهو فيه وباعتبارو هو ابي وخويا وصديقي وحبيبي وباعتباري أنا أقرب وحدة ليه من بين خوتاتي فكان إختياري نكون بحالو .. داك شي لاش ختارت نقرا على لمحاسبة والإدارة وبقيت نتقاتل تحصلت على لماستر ديالي في مدرسة كبيرة، و لحد ساعة أنا مفتخرة في براسي ولكن هادي غير البدية.. مازال بزاف. أما بخصوص تجربتي في الحب فأنا فاشلة في هاد شي كانت عندي تجربة مع واحد في عامي أول من بعد الباك ولي صحاباتي صدعو ليا راسي بيه تقنعوني بيه ولكن من بعد ما دوزت 2 سيمنات معه تلاقيتو فيها 3 مرات وكل مرة تنبعد منو كتر تقتنعت أنا الحب مدرش لوحدة بحالي فيها ملاحضات بزاف ولي تخصها وقت طويل بش ترتاح لواحد .. صافي كان قرار ديالي نتفارق معاه و عمري نفكر نتصاحب.. و من بعد ما تفرقنا تصاحب مع صحبتي.. باش منكونش منافقة ديمة بقت عندي هاديك رغبة باش تأنا نلقى داك شخص ليبغيني و نعيش معاه مواقف ونحس بها ، فكان كل مرة يجي واحد يبغي يتصاحب معايا تجيني ديك رغبة أكثر وخى نرفض تنقول يمكن هادى هو حب حياتي رفضتو وسمحت فيه ولكن عمري بينت هاد شي ولا قلت لشي وحدة ... أنا شخصيتي هكدا دايرة في دار أنا ديك بنت ضحوكيا الهبيلة لتشد في كلشي وضحك مع كلشي وتصنت لكلشي أنا هي هديك بنت ليجي نهار متعرفو مالي سادى عليا في بيتي..ومنبغي نهدر مع تواحد .. أنا هي ديك بنت لتعطي ودنها وتسمع لمشاكيل ناس ومتعودش مشاكيلها لتواحد.. أنا هيا هديك بنت زوينة وحنينة ولكن قليل ليزعم يقرب ليا.. "أنا هيا هديك بنت لعايشة بشخصية ديال رجل ومربية بنت صغيرة في داخل ديالها " هاد جملة لقلتها ليا جداتي الله يرحمها فاش كانت عندي 18 عام ، أما ماما ديمة تتقول ليا تي دروشة بزاف ولكن صارمة ورسك قاصح كتر من قياس وعاطفية ....

أخيراً وصلت لباب شركة ؛ بابا وقف سيارة وحلف هو ينزل يفتح لباب أنا تبسمت وخلعة شدني... نزلت من سيارة وعنقت بابا بجهد وقلت ليه راني خايفة، باسني في جبهتي وشاف في عيني وقال ليا لجملة لديما تيقول ليا فاش تنحتاج نصحو "ميهمش كيف يدوز نهارك لا حطيتي راسك على لمخدة وضميرك مرتاح وصحتك مزيانة ودرتي جهدك باش تنجحي ..لمنجحتيش ليوم غدا فرصتك باش تحوالي تاني " هاد جملة بنسبة ليا تنعتبرهة أساس ديال حياتي رغم أن تنسمعها منو ديما ولكن في كل مرة يقولها ليا تنحس بها أول مرة وتتخليني نرتاح ومنفشلش ... أنا دبى حدا بابا شركة ..إحساس غريب عليا حاسة بإفتخار داتي حاسة أن بديت نوصل لهداك شي لبغيت.. ولكن علاش أنا ممرتحاش.... يتبعالحلقة 1 الجزء التاني

الساعة 6:15 ..

*هو 

ريفاي تي سوني ديال تلفون... ديما خاصني  هديك 5 دقايق نبقى نفكر شكون أنا او اش تندير هنا ...مبقيتش عاقل على نهار لفقت فيه معطل على هاد وقت ولا بدلت فيه ريفاي ديما خاصني  نفيق مع هاد لوقت ونستغل نهار كامل ونحاول ندير شي حاجة جديدة في نهاري وخى تكون غير صغيرة ميهمنيش ... أنا ماشي هداك شخص لاكتيف  ولا عزيزة عليه الحياة لهاد درجة، أنا فقط مضطر نرغم راسي نعيش هكدا ولا غادي نعطي فرصة راسي نبدا نفكر في حياتي وكيف دازت ..وتجيني هديك فترة ديال كأبة ولي تنخرج منها بزز وتنتجاوزها غير بنعاس.. كيفما العادة نفيق خاصني ندير شوي تراكسيون  نتجبد شوي بارفيكس نمشي نشرب كاس ديال لما نسخن قهوة كحلة لديما كينة في تلاجة واجدة،... نهز قهوة كحلة  في تاس ومباشرة لبالكون لهو أعز بلاصة عندي من بعد ناموسية ديال نعاس ...نجلس في أرض و تنبدا رحلتي مع كل رشفة  ونبدا نفكر راسي ماشي من هاد علام ولا نبدا نتخيل مواقيف ..ولا نبدا نتمنى شي حويج لتخليني متفائل... المهم خصني نغيب على هاد العالم وخى غير هديك 10 دقايق. من بعد نمشي ندوش ونلبس حوجي ونهز كرطابل ديالي لفيها بيسي  لهو مصدر رزق ديالي.. نمشي الجراج نديماري السيارة ونشد طريقي لخدمة لعمري رتاحت فيها ولا لقيت بلاصتي فيها ...نسيت مقدمت راسي المهم أنا إسم ديالي يوسف العمر 30 سنة عشت حياة قاسية ... وتنعتبر راسي عيش وحيد في هاد علام لأني عمري حسيت براسي تنتمي لشي حاجة..المهنة ديالي تقني في المعلوميات رغم أن عندي إجازة في نفس لميدان، ضطريت نخدم بطلب من أم ديالي لبغات تشوفني مستقر في خدمة أما بنسبة ليا كنت خدام حر ديال راسي وكنت تنصور فلوس ... بنسبة واليديا، الأب ديالي مات وأنا باقي ولد 8 سنين رباتني الأم ديالي وتكرفست باش كبرتني، عائلتي مكبيراش بزاف ولا أنا لمتنعرفش فيها بزاف...لمهم تقاتلت في حياتي كل نهار يدوز تنعتبرو تحدي ليا وفرصة نتعلم حاجة جديدة على الحياة وخى لخلاصة تعلمتها في عمري 7 سنين هي متقش في الحياة تقدر تمر سنين من عمرك ودقيقة وحدة تبدل لك حياتك كاملة بحال سنين لكانت قبل مساوية والو ..عندي شخصية هادءة، يوقع لوقع تنفدل منديرش شي ردة فعل متسرعة خصني ديما نفكر مزيان اش ندير او وقتاش.. ما عنديش بزاف صحاب قراب ، أقرب شخص كان عندي تزوج وليت نشوفو في مناسبات ولا صونا ليا هو بغى يتلقاني و شكي ليا مشاكل ديالو ، أما فيما يخص اصدقاء ديال لخدمة لتجمعني معاهم بعض ملقيات ولا شي مناسبة أما في غالب أحيان أنا ديما معتدر ومتهرب.

أخيراً وصلت شركة من بعض معاناة طويلة في طريق وهداك زحام ديال صباح ....معرفتش لش حث براسي تقال علي وبدت نحس بشي حاجة مشي هي هديك يا ربي دواز هاد نهار بخير .....#هي_هو_و_30_يوم 

#الحلقة_2

الإتنين 25 غشت

*هو 

الساعة 08:05

..كيف ديما خصني نجلس في بيرو مباشرة نبدا خدمة في وقتها بش منضيعش لوقت..

- يوسف يوسف يوسف

 ..هادي هدى تاني زميلة ديلي في الخدمةليرجع ليها الفضل تاحفضت  سميتي من كترت متتعيط عليا ..

 -صباح خير يوسف صافا؟؟ توحشتك ..قل لي كيف نعملو لهادي و هادي اش نديرو ليها ...

هدى وحدة من بين اجمل البنات في الشركة و من أظرفهم و من دون الجميع اقرب شخص ليها في الشركة انا.. سولتني مرة عونتها صافي هي دارتني صديق ديالها ومع لوقت ولات تلقا فرصة تعود ليا مشاكلها توليت عارف شادة ولفادة عليها...عيبها لوحيد هو لبسها لنصو تتنساه في الدار متتلبسوش ..تنولي مضطر نبقى نشوف بعينيها باش عيني متجي في تاشي موقع .. 

الساعة 10:50 

الحمد لله ساليت خدمتي لمعطياني نجبد نخدم شي حاجة من الخدمة لحرة لتندير ونحيدها عليا تاهيا ...

-يوسف يلاه معايا لشركة..را وقع فها مشكيل و المدير متيجاوبش و المهندس قال لينا نتلاقوه تماك را روينة اصحبي لمحليناش مشكيل مشينا فيها....هدا عثمان زميل وصديق العمل ولي هو ايضا شاف ديالي ..وهادي اول مرة يقول ليا نخرجو في خدمة خارج شركة حنا خدمتنا كاملة غير في البيرو و خارج الشركة عندها لمختصين ديالها...

الساعة 11.30

وصلنا لشركة..وروينة نايضة سيرفر طايح .. كابليات مجليين كلشي تالف لمدير متجوبش ..

ساعة وتا حاجة مباغا تقاد ولا خسرنا هاد شركة را صافي مشينا فيها را عندنا معاها خدمة بزااف ..

*هي

الساعة 11.50 

أوف على راحة وعلى فرحة إليوم حاسة براسي أسعد وحدة في هاد العالم الحمد لله دز انتروتيان مزيان وأحسن مما كنت تنتمنى.. قبلوني وعندي كبداية 3 أشهر سطاج بري امبوش فيه 3 أشهر ولكن غادية نبين لهم شطارتي وندير بلاصتي .. دابى نمشي نفرح ماما وبابا ... طاكسي  

الساعة 12.30

ماما تتغوت فرحانة ملي قلت ليها الخبار ديال خدمة و ختي كبيرة مغدية عندنا غير دور و دربني باديها لور و تقول ليا مبروك المعقدة ..ان دابا تنتسنا نقول لبابا الخبار تنسوني ليه ما تيجاوبش .. متيجاوب تواحد.. ماما.راه باين مشغول مع الخدمة ...

*هو 

الساعة 14.30

 سيرفر بزز شعل .... وحد الان انا ما حاس عندي تدور هنا

-خويا عثمان انا نرجع لشركة را باقا حاصلة فيا خدمة و ما عندي مندير هنا 

-بقا شوي و نمشيو بجوج اصحبي را هاد القرودة حشمو بينا تفو ..تقفقفو را معرفو مين يجيو لمشكيل شعل سيرفر طاحو في مشكل كبر دابا ورونو الوقت..

-يلاه ندخلو نشوفو اش واقع 

مع دخلة تيبان ليا كلشي عرقان و المهنديس لمكلف تيقول حصلة هادي دابا اش نديرو لمدير مكينش يشوف بعينيه اش واقع را في لخر كاملين مشينا فيها

-سمح ليا واش مشكيل ديالاش دابا فين وقفين..هدا انا قلت نعرف اش واقع ونسافد من هاد مشكيل معا لوقت

-معرفتش را ها اش وقع و اش وقع....

هو تشرح و انا في نفس لوقت تنفكر هدا عليا راني عرف الحل را فايت طحت فيه فاش كنت تندير بروجي فان ديتيد في الاجازة ديالي ...طلبت منو يعطيني نحاول نشوف لا فهمت جا عندي ..عثمان قال ليا

- اش دخلنا حنا في هاد شي حنا جينا غير باش نعمرو معهم ونبانو خدامين...

 انا شديت بيسي ديال سيرفر و بديت ما كاين غير هاك بلاك و هوما حالين فامهم و كل مرة يجي واحد عندي يقول ليا اصحبي عنداك تفرطها ....من بعد ساعة لمشكل تحل من ساسو لراسو و كلشي داز ..هوما بقاو حالين فامهم حاضيني وجا عتمان قل ليا كدرتي ليها اا معرفت كيف نشرح ليه ضحكت في وجهو و نضت من لكرسي...

*هي

الساعة 16.40

متكية في بلاصتي و فرحانة تنخمم ..سيمانة ماجية نبدا جزء أخر من حياتي كيفاش غادية تولي حياتي من بعد 3 اشهر نولي مسؤولة علا راسي و عندي الدخل ديالي وخا بابا ما حرمني من والو و عايشة حياتي لي بغيتها نلقاها ولكن انا باغا نكون قادة براسي..هاهو صوت باباا نمشي نشاركو فرحتي...

-سلام بابا حبيبي راه قبلونييي...عنتقتو و عنقني ولكن ببرود ماشي ردة فعل ديالو هادي ولا فرحتو بيا لموالف يفرح... وجهو صفر و ضحكتو تقيلة بزاف ..-مالك بابا واش مريض شفت وجهك صفر 

-والو بنتي غير العيا ديال الخدمة ...مبروك عليك ابنتي كنت عارف في اول ميلقوش احسن منك ..

ها ماما جات مع شوفة لولا قالت لبابا مالك وجهك صفر اشنو عندك ... مجوبهاش عنقها وباسها في حنكها  و قال ليها تاهي غير العيا ...شوفت ماما وجها تبدل...

كاينة شي حاجة...#هي_هو_و_30_يوم 

#الحلقة_3

الإتنين 26 غشت

*هي

الساعة 7.00

صبحت فايقة راسي تقيل عليا من كترة تخمام ..اووف بابا فايق تفطر مع ماما الحمد لله -صباح نور ماما صباح نور بابا كيف صبحتي خلعتيني عليك لبارح نصحب عندك شي حاجة -لا والو ابنتي را قلت ماماك اش كاين را درت اكسيدون بالسيارة و الحمد لله انا بيخير دابا -اويليي ابابا وعلاش متقولي والو .. ودموع طيحين من عيني يجريو..-بابا واش تا مزيان بصح متكدبش عليا و كيفاش وقع ليك ...جرني عندو وعنقني وقال لي -را غير هرب ليا لفولون و جيت في شجرة و ربي حفض ما جيت تا في شي واحد و مبغيتش نحرم علك فرحتك -ليوم رجلي برجليك ممفرقاكش انا باغا نبقى حداك هههه ابنتي دبا ها انا بخير حداك و انا عندي غير الخدمة خاصني نمشي ليها نشوف اش واقع في الشركة و تيلي ديلي معرفت فين حطيتور وصونا ليا مصطفى(شريك بابا في الشركة) في تيلي ديال الدار قال لي را وقع مشكيل لبارح خاصني نشوف اش وقع ونقاد امور ...-والو بابا رجلي برجليك ليوما...

*هو 

الساعة 8.37

يوسف يوسف يوسف ....صباح هادا تاني وراسي مفرقع ليا مفيا لي يهدر مع شي حد -سلام هدى صافا اشنو عندك شي مشكيل -لا اخويا يوسف غير جيت نسول فيك.. لبارحعييت منصوني ليك مبغيتي تجاوب.. قالو لي لبارح تا لحليتي مشكل .. انا عارفاك هاز في داك المخ وراك غير ضايع لمهنديس ..را مزال شاداه سخانة عليك ومحملكش تا لتحل مشكيل ...

الساعة 9.45

المدير دخل وكلشي جمع الوقفة وتيتسناو اش غادي يدير على روينة ديال لبارح.. و من الغير العادة جايب معاه شي وحدة .. انا معندي دخل خدمتي في البيرو را دايرها يدبرو روسهم معاه...

الساعة 10.15

-يوسف يوسف يوسف ..وراها نيضة ديال بصح لمدير سخسخ لمهنديس ..بلمعيور وقال ليهم كين اجتماع ..شفتي بنت المدير كيف دايرة بزين و واقفة وهازة ..نمشي نهدر ليك معاها...ههه متصلاحش ليك شبعانة عياقة ملي جات مضحكات غير تدور في عينيها.. 

*هي

الساعة 10.45 

الشركة غادية وتتعمر و تكبر مبقيتش عاقلة إمتاش اخر مرة جيت هنا ... انا دابا وسط اجتماع و بابا معاجبو حال و تعير و باينة فيه معصب و قليل فين بابا تيكون بهاد الحالة ملقيتش كيف نوض نهديه شوي...لمهم اجتماع سالا مشيت معا بابا البيرو شوي قال لسكرتير ديالو عيتي لي على ولد لسميتو يوسف و لمهندس ...

دخل لمهندس ولي ملي جيت و انا عيني فيه عجبني ...ولكن بابا سمعو لهدرة وقال لي هادي لاخرة ليك خدمتنا لمكانتش منظمة را مسميتهاش خدمة حشمتي بسميت شركة بهديك روينة ...

*هو

الساعة 11.50|

خرج المهنديس..من عند المدير ...دخلت لقيتو جالس في بلاصتو و بنتو جالسة في كرسي وديرة رجل فوق رجل و تطلع وتنزل فيا وهادي ماشي تطليعة وتنزيلة ديال عياقة ولا اعجاب و لا فضول بنت بينة مضهشرة ومبغاش تبين..معرفتش علاش من عين بنادم تتفهمو..

-تفضل سي يوسف جلس رتاح معا راسك ... صيفي ديالك معايا وفيه انك مفتيش لاجازة وعندك تجارب ماشي كتيرة...

اشنو هادا مالو حسسني بحال راني في اتروتيان .. وجالس مقابل مع بنتو نرفزوني هادو..-سي يوسف باغي نشكرك انك عتقتي موقف بارح واخا مكانش على لمهندس يخليك تقرب را ماشي خدمتك را خدمتو هو و دار الخدمة ديال سواق تماك ...المهم قول ليا كيفاش عرفتي حل مشكيل واش عارف من مفروض نعيطو على واحد من فرانسا باش يدير لخدمة لدرتي ...شرحت ليه ان هاد دومين هو حياتي و بقيت نشرح تبان ليا هو غير تتبسم في وجهي... 

*هي

الساعة 12.30

....شكون تيصوني في هاد وقت اوووف...اه نورة صحبتي طلبت سماح من بابا وخرجت من البيرو وخليتو هادر مع الولد -الو نورة صافا ؟ غبرتي اش خبارك توحشتك مبقتيش دوزي عندي...-والو اصاحبتي غير سفر ياله رجعت دار قلت نتفكرك و نتلقاك عندي منعود ليك ...يلاه غدا نتشوفو بسلامة..#هي_هو_و_30_يوم 

#الحلقة_4

+18

السبت 30 غشت

الساعة 18.20

*هو

انا دابا في الحفلة لمنضماها شركة ولتتنضمها كل لعام و كل لعام تنتهرب منها..ولكن هاد العام ميمكنش ليا نتهرب و مكملاش سيمانة باش المدير رقاني و عطاني بوست في مرتبة كبيرة و تزادني في السالير و الشركة غادية تكفل بقرايتي باش نكمل الماستر ديالي ..هاد شي كامل ن بعد ما فكيت هداك المشكل ...

-يوسف يوسف يوسف ....-سلام هدى ..-سلام يوسف كي جاك القفطان ديالي ...ممكن نجلس حداك...قول لي ما بانتش ليك ش بنت عجباتك ...انا نجيب ليك خبارها....و مبغيش تطلق شوي ولا تزوج وهنينا باغي تبقى غير بحدك ديما اووف...شوي من بعد ما كنت جالس بوحدي بعيد وهاني ومن بعد ما الاخت هدى حرمات عليا لجو لي كنت خالقو في دماغي ....هاهوما عثمان ولكلكا ديال خدمة وعاهم اكتر واحد تنكره في الشركة حسن لديما خاصو شي حد يعيرو ولا يجبد عيبو قدام بنادم ...مع لجلسة بداو يتغامزو على هدى و كل بدا يلوح كلمة في شكل ..واو هدى جيتي زوينة ..عمرتي بزاف هاد صيف....هدى تزيرات وناضت مشات ...وهوما يبداو تاني ..شوف الطرف اخويا تتحرك ...ناري ونشدها ...تا شفتي صدر معري ..وداك شي بزاف...شوي عثمان قال ليهم براكة خليوها عليكم ..و حسن قال ليه مستهزء ..-راه غير قحبة هديك راها....انا مسبرتش خرجت فيه عيني و قلت ليه تزيد دابا شي كلمة ن...لمهم كاملين سكتو من غرابة ديال لمشهد كوني من نوع لهادء ..شوي حسن بدا هادر تاني - هزاتك نفس على قحبة لتدور علك ولقاتك بارد ..كون كنت انا كون..باقي مكملش لهضرة محسيتش ضربتو ضربة جبتو الارض و نضت فحالي .....

*هي

من غير العاد جيت هاد لمرة لحفلة ديال شركة ديال بابا بكري انا وصحبتي..باقا القاعة خاوية بنادم قليل ..-ليوم خاص تلقاي لك شي واحد براكا عليك من هاد تعقيدة كاملة ...هادي نورة كيف عادتها خاصها تفكرني اني معقدة..انا حاسة براسي راشقة ليا قلت ليها.. -اوكي ختي نورة تي وريني لعجبوك و لا عجبني شي واحد انا معاك ...هي من نيتها بدات توريني في ولاد شوفي هدا..لا ضعيف و هدا لا قصير ..خايب..مهم بقات تسمعنا بحال طيحة درنا نشوفو لقينا واحد طيح من الكرسي و صحابو نيضين يجريه يهزوه و واحد فيهم نايض مزروب و مشا قاصد وحاد بنت و جرها من يدها وخرجو...شوي نورة قالت تاني -كيفاش هداك لمبهدل طايح معا داك زين كامل ومنفخ عليها من لفوق ..شوفي على قلت احترام جاي حفلة بي تجين....انا نص هدرتها مسمعتهاش معرفتش علاش هاد المنظر جاني تقيل في خاطري..لمهم ليوم الحفلة و ناوية نشط شوي و نتعرف على ناس ديال شركة و نسول ناخد فكرة و انا نهار تنين غادية نبد الخدمة ..باش ندخل زاعمة ومطلوقة....

الساعة 19.00

*هو   

-يوسف فين غادي بيا هكا ..واش تسطيتي وقف طموبيل....-ديما تتقول ليا عمري عرضت عليك شي حاجة اللالة انا ليوم عارض عليك..-واش هبلتي ولحفلة ...- شوي ونرجعو ليها....مشينا وحاد ريسطو جلسنا و تقابلت معاها و تقريبا هادي اول مرة نجلس مع بنت في ريسطو محسيتش بالغرابة يمكن حقاش سبق جلست معاها بزاف في سناك لحدا الخدمة ديما هي تعاود و انا ناكل تا الماكلة ما بقاتش دوز ليا لمكانتش بلا بلا دياها...المهم بقيت ندي ونجيب معاها في الهدرة شوي قالت ليا بواحد طريقة لعمري سمعتها منها جاتني هادئة وحزينة -يوسف..عمرك سولتي راسك لاش تا عزيز عليا هاكا ..عمري نسا نهار لول هدرت معاك فيه ..حصلت بنتي ليا غير تا.. مكنت نعرف عليك والو من غير اناك ديما حاني راسك ومتضحك مع تا واحد ..جيت عندك وعرفتك مشغول قلت لك عندي مشكل ...ضحكتي في وجهي و عتيتيني من وقتك و مشفتيش فيا شوفة ناقصة وهدرتي عادي و بقيت نجي عندك عمرك قلتي ليا نمرتك ولا خسرتي معايا هدرة..يوسف انا عارفة في خدمة تقول عليا غير القحبة وهوما ما عرفين عليا والو في حياتي معرفينش كيفاش كنت و كيفاش عانيت..انا حياتي كاملة مستقريت تا في شي مدينة ورباتني غير عمتي وسط بناتها وجدة تمنيت لو كان عندي بابا ولا خويا يقولو لي متلبسيش هكا ولا هاكا نتا عارف اني باقا بشرفي ولخيب فيا غير لبسي ولكن ...محسيتش شديت ليها في ايديها و قلت ليها...-هدى عتبرينيمن ليوم انا خوك كبير و عمرك تخلي شي واحد يطيح منك ولا يقول علك قحبة ولا يعاملك كقحبة ديما خليك تاج فوق ليبغوك وشوك وجمر تحت من لكرهوك.... كيف العادة بزربة مسحات دموعها وضحكات و قالت ليا يلا نرجعو حفلة راني متشوقة ليها....شكراً لكل وحدة قلات كلمة زوينة في حق لقصة وكل وحدة متبعة القصة وكل وحدة عطات من وقتها لهاد لقصة 

#هي_هو_و_30_يوم 

#الحلقة_5

السبت 30 غشت 

الساعة 21.00

*هو

رجعت مع هدى الحفل لقيناها نيضة و كلشي تيشطح وناشط..مع دخلة جاو صحابات هدى جروها من حدايا وتيشوفو فيا وتيضحكو ...انا كيف العادة حنيت راسي  ومشيت لأخر طبلة في القاعة وجلست في كرسي وحاضي بنادم ..وعقلي سرح تاني و بديت نحلم بعيني محلولين..شوي تسمع يوسف يوسف يوسف ...اناري يكما وليت نحلم بهدى..فقت من الغفلة لقيتها حدايا محسيتش تا بستي في حنكي ...انا وجهي ولا بحال متيشة معرفت باش تبليت ..و هي تقول لي كون محشمت نبوسك من فمك... و شكرا بزاف حقاش دافعتي عليا.... را بنات   حكاو لي كلشي ... شافت فيا وحد شوفا غريبة بحال شي بنت صغيرة ومشات فرحانة.... هدى قلبها بيض لوحد درجة كبيرة رغم لبسها مزير وفاضح شوي ...ديما هي ضحكة و هي اجتماعية ولكن متتعمرش مع كلشي غير لمن قلبها رتاح وهداك شي لخلاني ندير ليها خاطرها... ولكن من بين كلشي لشفت فيها انا عمري شفتها فرحانة لها درجة...شوي تا وقف عليا لمدير ديال شركة -سلام سي يوسف..هو يجلس حدايا ...-..كيف عامل مع بوست ديالك جديد..كيف جاتك حفلة..قول لي اش بان ليك في اعلان جديد ديال  شركة و الفرع جديد لينا في مدينة...ههه عرفتك جيتي معطل لحفلة  ...الحمد لله شركة تتكبر و دير بلاستها .... وجد راسك تنين راك غادي تكون معانا حنا لغديين نمشيو لمدينة ..نبداو لخدمة ...حبيت نقولها لك شخصيا....

الساعة20.00

*هي 

...الحفلة عمرات بزاف و انا عييت من الهدرة مع الناس ..حفلة زوينة شحال هادي منشت هاكا ...نورة صحبتي باقا مستسلماتش باقا فينما يبان ليها شي واحد تقول ليا هاهو حبيبك ديال مستقبل اش بان لك فيه ..تاشوي بان مهنديس ..لتعجبني واخا بابا بهدلو قدامي ..اش منك اطولة و اش منك الكوسييم و الوقفة ... نورة مع بان ليها جا وقف قريب مني و هي تبدا تقيسني بصباعها و تقول لي --هادا هادا هادا بيني ليه .. ويلي ويلي شفتو قصدنا بسلامة ..سيدة حنات راسها و خلاتني..-سلام احلام ..كيف جاتك حفلة... بغيتي نخرجو شوي نجلسو في جردة ديال قاعة يدربنا برد...-انا تقلت واخا من داخل ديالي كاملة تنترعد واش فرحة ولا مدهشرة..معرفتش نيت كنت باغا نبدل لجو خرجت معاه جلست وبدينا هادرين هدرة تجيب هدرة وكل كلمة تيقول تعجبني اكتر طلع قاري مزيان وواعي وتقيل وحد تقولية اووف منو صراحة عجبني لحال شحال هادي معجبني شي ولد هاكدا شوي سولني قال لي علاش مخدمتيش في شركة ديال باباك ..قلت ليه راني باغا نعول على راسي ونبني حياتي بيدي منعول على تاوحد...بقا تشجع فيا وقال لي اري نمرة ولا حتاجيتي شي حاجة نعونك فيها...تيلي تيصوني ..نورة - عجباتك الجلسة ونستيني المعقدة ..عاتقيني را نمرتي لقاعة كاملة داتها...

دخلت مشيت عند نورة ...شوي جاو شي بنات تسلمو علينا وبداو معمرات معانا ..شوي نورة قالت بصوت مستغرب-اجي اختي نتي هي لجرك صاحبك وخرجك من القاعة ...اختي تي زوينة متستهليش واحد بحال هداك....البنت تزنكات شوي بتسمات و قالت ليها..-هادرة على يوسف . يريت كون كان ولا قبل يكون صاحبي ...قلتها بطريقة حسيت بالبنت تتبغيه ولكن كيفاش بنت بهاد زين كامل ..تبغي واحد بحال هداك ...مهم شوي لقيت بابا جالس في طبلة مع شي واحد ..اش تيدير بابا مع هدا تاني..مشيت عند بابا قلت ليه صاف عييت غادية نمشي انا ونورة ..بابا وقف وبطريق محترمة ومشرفة قال لولد ..-سي يوسف نتمنى ليك توفيق انشا الله ونعتدر منك انا مشيت دابا بسلامة... انا عارفة بابا شخص متواضع ..ولكن بهاد طريقة ومع هاد الشخص بذات  و يسلم عليه بيديه بجوج وي ضحك ليه في وجهو ..ميمكنش..شكون هاد الشخص؟؟؟؟#هي_هو_و_30_يوم 

#الحلقة_6

الاتنين 1 شتنبر

الساعة 9.00

*هي

..هدا نهاري لاول في الخدمة ..اه على فرحة واخا عمروني وراق و حسابات ماشي مشكيل هاد شي بالنسبة ليا سهل و انا قد التحدي.. و لحد دابا كلشي تعامل معايا مزيان ..وانا عاجبني الحال وفرحانة بزاااف ...

*هو

..قربنا نوصلو لمدينة...من بعد 5 سوايع ديال طريق و تخمام...مال تنفكر كيفاش في سمانة تبدلات حياتي بالشركة ...مزال مفهمتش علاش لمدير تتعامل معيا مزيان بهاد طريقة راسي ضرني بكترة تفكير .. من بعد موصلنا حنا شي 6 اشخاص لفندق لنجلسو فيه هاد سيمانة و في عشية غادي يتبعنا المدير باش نبداو الخدمة ..عندنا 4 ايام نعونو ناس جداد في الفرع الجديد ديال الشركة واخا مزال صغير وناسو قلال ..ويوماين ديال لخدمة في شركة تانية ...

الساعة 16.00

..الخدمة كتيرة بزااف ...هاهو المدير جا دار دورة صغيرة و قصدني ..-سلام سي يوسف امورك مزيان ..شوف اولدي را المهندس فلان غادي معايا...دابا را تا هو المسؤول كمل شغل ..لمهم زربت على لخدمة والله يسر فيها..

الخميس 4 شتنبر

الساعة 15.36

..من بعد هاد اليومين رجع المدير وراقب الخدمة...شوي جا عندي قال ليا تبارك الله عليك اولدي ومشا..جاني سيد ماشي هوا هداك ..جاني بحال مهموم عمري شفتو حاني راسو لهاد درجة ..

الجمعة 5 شتنبر

الساعة 10.12

تيلي تيسوني..المهندس.. -الو سلام ..جي دابا الشركة فلانية ...لمهم مشيت لقيت المدير و المهندس وشي خدامة جداد ديال الفرع جديد ..المدير لقيتو واقف بوحدو مكينش في هاد العلام ..جا عندي المهندس قال ليا سير عندو و قايلها و معاجبو حال...-سلام جيتي اولدي ..عندنا مشكل شوف لعرفتي ليه ...مشيت نشوف لقيتهم حصلو..جلست مني منك تعرف المشكل و حليتو واخا مشكل بسيط ماشي بحال الاول..

الساعة 20.25

..جالس في الغرفة ديالي في الفندق شوي سمعت دقان ..مشيت نحل لباب لقيتو المدير...-السلام ولدي مسالي دابا ..ممكن تخرج معايا نقديو شي اغراض ..طريق كاملة لمدير مقال والو سيد كينة عندو شي حاجة غير تيخمم ..شوي نزلنا من الطموبيل و بدينا تنتمشاو ..و هو يقول لي -سي يوسف هدر لي على حياتك وكيف عايش ...بقينا هدرة تجر هدرة تا عودت ليه حياتي كاملة ...شوي جلسنا في وحد البارك و في اول بقا غير ساكت ..تسيد دموعو بداو ينزلو اناري جاتني لغرابة معرفت مندير ..تبدا يعاود لي على حياتو و انو بدا من 0 وتقاتل ...مهم تسولني و قال لي يلا عرفتي ان باقي ليك قل من عام تعيشو اش دير ..بقيت ساكت كيف العادة..و هو يقول ..-غير اسبوع هادي كنت جاي بالسيارة لخدمة ومحسيتش تافقدت لوعي ديالي ملي فقت لقيت راسي داخل في شجرة ..ما وقع ليا والو ولكن بقيت خايف ومشيت عند طبيب ومن بعد اسبوع ديال اجراءات لقاو عندي ورم في بلاصة حساسة و خاصني عملية ونسبة النجاح ديالها متوسطة و كين احتمال نموت ولا نتشلل...انا حياتي ماشي هي خدمتي انا افتخاري هو عائيلتي زوجتي وبناتي .. عندي العملية من هنا قل من شهر وبغيت لمت نموت هاني ... انا باقي ما قلت لمرتي ولا بناتي والو ...لمهم من بعد هاد الهدرة انا تأترت و كيف ديما الحياة في لحظة تتبت لينا ان هي المتحكمة و معلينا غير نحاربو ونتقبلو القدر ديالنا مهما كانت النتيجة..بقيت تنواسي فيه وسولتو .....-كنتي سولتيني يلا بقات ليا عام من حياتي اش ندير ..يلا بقا ليك تا شهر من حياتك اش دير واش تبقى تخمم في الموت و في حويج لي الله هو لي قادر يسيرهم ولا تحاول تعيش لحظات من حياتك كنتي تمنىى تعيشها ؟؟؟ ...حسيت بيه تصدم من سؤال ومن طريقة كيف هدرت معاه بها وبقا تيشوف فيا وانا مبتسم في وجهو ابتسامتي العبيطة لقليل فين تنبتسمها .. وهو يتبسم وقال لي كل مرة تتصدمني بحاجة .. اجي نساو اني انا المدير ديالك يلا عاملني كصاحبك و يلاه نسهرو ولا نديرو شي حاجة مسطية ...هاد المدير ديالي ولا كدبت .."عمرها تنسا ليا مرة قالتها ليا الام ديالي ..كنا ديزين من جنب مرة تطلب وانا في عمر 8 سنين وانا نقول لماما عطيني فلوس نعونها عمري صدقت على شي واحد ..هديك ساعة حنا خاص ليصدق علينا..هي تحنات عندي وقالت لي ولدي معنديش فلوس ولكن انا نقول ليك حاجة تصدق بيها حسن من فلوس ..ولدي احسن حاجة تعون بها واح دمحتاجك .. هو تتبسم ليه في وجهو وقول ليه كلمة زوينة تفرحو وتشجعو بيها...سير عندها و بوسها و قول ليها الله يعونك ..انا مشيت تنجري قلت ليها الله يعونك و بستها وهي تشدني من يدي و ضحكت ليا و عطاتني درهم ..من تماك عرفت قيمة الهدرة والمعاملة زوينة.. قدام الفلوس.."#هي_هو_و_30_يوم 

#الحلقة_7

السبت 6 شتنبر

الساعة 5.00

*هو

...من بعد مسهرت البارح مع المدير ودوزنا ليلة زوينة ودرنا حويج مصطين..لعمري درتهم ولا تصورت اني غادي نديرهم ..فقت غير بزز باش نشدو طريق ..غير وصلت باب الفندق لقيت المدير واقف بطموبيلتو تيتسناني و قال ليا راك غادي تركب معايا وهاك سوق ..شدينا طريق وبدا تتعامل معايا بحال شي صديق ليه و تيهدر معايا عادي..وتيعود ليا على حياتو و لقيت الراجل تيبغي بناتو بزاف ولكن وحدة في بناتو سميتها احلام تجبدها بزاف وقال انو معجب بافكارها و تتفكرو براسو بقا.. هادر عليها..تعرفت انها هي البنت لجات معاه الشركة...

*هي

الساعة 11.38

...كملت اسبوع او ليا في الخدمة لكان اسبوع واعر حاسة براسي بحال من شحال هادي و انا خدامة ...تيلي تيسوني ..مستحيل هدا مهنديس ..كيفاش تفكرني ..-سلام احلام صافا..واش عندك ميدار هاد العشية ..اوكي راني عارض عليك ..يلاه موعدنا مع 19.00 ...فرحتي كبيررة معرفتش لاش حاسة براسي ميلا ليه وعاجبني ..

الساعة 19.50

...لخرجة تل دابا زوينة و انا فرحانة بزااف ..حاسة براسي لقيت ولد ليفهمني ..مع الوقت حسيت براسي تنزيد نقرب ليه..شوي شد ليا في يدي واوو على احساس ..عمري حسيت هاكا ولا خليت شي واحد يزعم يطلب نخرج معاه بقا غير يشد ايدي..ولكن هاد المرة مختلفة ..محسيتش تدرت اييدي بين ايدو ..

...ليلة رجعت دار فرحانة و صونيت نورة عودت ليها خرجة كاملة ..-صافي تقولية مشات ابنت الناس ههه مشيتي فيها صافي جا ليعرف يدي ليكهداك القلب... بقات شادة فيا و انا تنضحك ...شوي سمعت الباب تحل مشيت نشوف لقيت ماما وبابا دخلين وماما شادة في بابا بين كانو معشين في الزنقة  ..-هاي هاي هاي هانى تاني على الحب تعشاو في الزنقة بلا تفكروني وهاهياعندكم ولكن بصحتكم ...بابا ضحك وجا عنقني بدا يهر فيا ويلعب معايا ..ولكن ماما ضحكة محبوسة ليها حنات راسها مشات بيتها .. بابا جا وجرني نلعب معاه بحالا مبغانيش نسول ماما مالها..مهم بقيت في بيتي تنفكر صافي مصبرتش قلت نسولها يمكن را مخصما بابا ولا شي حاجة...خرجت من بيتي ..بانت ليا تلفازة ديال بيت الجلوس شاعلة مشيت نطل لقيت بابا وماما تيتفرجو وهي متكية ليه على صدرو ..مفهمت والو انا من الغرابة ديال لمنظر حنيت راسي مشيت نيشان بيتي سديتو عليا غميت راسي فرحانة ..ونعست

#هي_هو_و_30_يوم 

#الحلقة_8 الاحد 7 شتنبر

 الساعة 20.05

 *هو

 ...حسيت براسي بديت نرتاح ونولف هاد الجو العائيلي وعجبني الحال عائلت المدير عاملوني كواحد منهم ..باخص المدام ديالو لكل مرة ترحب بيا وتسولني واش انا مرتاح. 

*هي

 ..نزلت نجري في الدروج وفرحانة ان المهند س عندنا في الدار ..وصلت الصالون بان ليا غير خوتاتي ورجالتهم وخالتي وبابا و واحد الولد .. انا بوقفتي مصدومة تسمعت بابا تيقول.-ها بنتي احلام جات مرحبا بنتي..نقدم لك يوسف خدام عندنا في الشركة...مهم انا مفهمت والو !! اش جا يدير هدا هنا عندنا ! كفاش بابا عرض على هدا وهو عمرو عرض على شي واحد من الخدمة عندنا الدار!!...تحط العشا كلشي تيكل وانا عيني غير في الضيف حاضياه..السيد بين هادئ وغير تيبتاسم ابتسامات خفاف ومتهدرش الا لجاوب شي واحد ومتبغيش يطول في الهدرة..ومفهمتش ماما علاش تا هي مرة مرة تتوقف فيه الشوفة...السيد من النوع لمرة مرة تبان شرد بالتفكير ديالو ومن نوع لصعيب يتعرف كيفاش تفكر ..لبسو عادي بزاف وبشرتو بين بيوضية وسمورية عندو لحية خفيفة لبين ممسوقش ليها ..عينيه عسليين ضحكتو زوينة ومتطولش شوفا في الواحد..بين فيه ولد محترم وبين كابر في العز غير لبسو معطيهش اهتمام كبير ..سلينا لعشا من بعد شوي ناض بغا يمشي ولكن بابا مخلاهش ولصقو يبقا جالس معانا شوي .. من بعد جاو ولاد ختي صغار ادم ويحيى بديت نلعب معاهم وحاضية كلشي باغا نفهم اش وقع..ماما وبابا جلسو حد الضيف شوي مشى بابا وبقات ماما هاضرة معاه ..غير ناضت ماما مشى راجل ختي الكبيرة جلس معاه وتبعاتو ختي جلسات معاهم ..راجل ختي هاضر وهو مبتسم ومرة مرة فين تهضر هو .. شوي ولاد ختي مشاو عند ماماهم ومشاو سلمو عليه ..بدا هو تتمازح معاهم وهما تضحكو ..مهم انا دخت وسط هاد شي . ..واقعة شي حاجة وانا فيتاني مفخباريش.. 

*هو 

... جلست كل مرة نجمع مع واحد في عائلة .. داير صواب مع كل واحد ... عمري في حياتي درت شي مجهود بحال هادى باش نتعرف على بنادم و ندير لخاطر لكل واحد و نعطيه وقت .. بحال هاد حاجة تتدير ليا إرهاق في نفسي ... من بعد فترة جات بنت لمدير ... مع وقفت شوي بابها بان فرحان و جا عرفها عليا و حسيت بحالة هو مصر باش اعرفها عليا ... ومشات جلسات بعيد علينا .. في لعشا بقيت مداير معها لبال ..ما عرفتش لاش تتطول فيا شوفة ديال فضول بحالة جيتها غريب و لا جاي من شي ككوكب تاني نرفزتني ... تعشينا سلينا مشات تاني جلسات بعيد مع ولاد ختها و بدات تفرج معرفتش واش ديما هي عازلة راسها و لا غير ليوم ...جا لمدير و مرتو جلسو حداية بقاو هضرين معايا شوي مشى لمدير و بقات مرتو تتسول فيا على عائلتي و أصلي منين تا خرجت مني حياتي كاملة ... من بعد مشات جا رجل بنت لمدير و تا هو و بدا يعاود ليا على راسو و تسول فيا و تعود ليا على لمدير و أن رجل الله يعمرها دار .. بقيت تا تلقت معاه من بعد مرتحيت ليه و قلبتها معاه ضحك ... جات مرتو جلسات حدانا هو تحكي ليا كيفاش تزوج و كيفاش كانت ردة فيعلو فاش تزاد ليه توام ..و زوين فيه انو تيهضر بطريقة كوميدية شوي .. تقريباً تعرفت على دار كاملة إلا بنتهم أحلام لي مجلست معها مهدرت معاها من غير سلام لولا .. من بعد عشا عائلي لشحال ماعشت بحلو و لي كان ناقصني صراحة أصرت باش منباتش و نمشي دار و أنا فرحان و حس ب وحد راحة داخل ديلي زوينة بزاف ولكن شدني وحد فضول كبير أن معرفتش لمناسبة و لا علاش مدير يعرض عليا أنا بخصوص ... قلت في نفسي يمكن غير حقاش وقفت معاه فاش عود ليا على مشكلة ديال مرضوا ... بقلم ايمانو ايمان

بقلم ايمانو ايمان#هي_هو_و_30_يوم 

#الحلقة_9

التنين 8 شتنبر

الساعة 14.45

*هي

...تيلي تيسوني ..المهندس..-ألو أحلام صفا ?? ... را ما كنتش مسالي و تبرزت بوحد مشكيل هداك شي علاش مجوبتكش ...سمحي ليا ..مهم بغيت نشوفك في عشية لا بغيتي..أوك يلى بسلامى... في صراحة أنا محتاجة نتلقاه.. بغى معمن نهدر حاسة براسي مخنوقة و باغا نعرف اشنو انل بالنسبة للمهندس ...واش حنا في علاقة ولا غيرانا زربت ولا كيفاش!!.. 

*هو 

...نهار طويل ليوم و لخدمة بزاف عيني و ضهري ضروني ... -يوسف يوسف يوسف ...توحشتك غبرتي عليا ... عندي لك شي هدرا بغى نقولها لك ليوم وجد راسك را بغاك تخرج معايا ... صافي من بعد و نقول لك يلى .. باي .. من إمتاش أنا وليت مشغول لهد درجة ..أنا مبقاش عندي وقت لراسي ..توحشت نرجع من خدمة ندوش و نمشي نعنق بلاصتي ..  

الساعة 18.35

... أنا دبا مع هدى لي باقي معرفتش اش من مناسبة بغاني و لا مالها فينا مشكل طاحت  تاني  ..-..مالك اشنو واقع !! ..-راني توحشتك وتوحشت نهدر معاك ههه و نيت محتاجاك يلا نجلسو ناكلو شي حاجة خفيفة ونهضرو ..يوسف كيف تنجيك انا .. واش تمنى حبيبتك ولا مرتك تكون بحالي..يوسف علاش انتا ظريف معايا بزاف!!...معرفت منقول ليها صدمتني ..باش نجوبها واش نقول باش نرضيها ؟ ...- ههه متخافش الهبيل انا غير تنسول ..باغا نقول لك وحد سر ووحد طلب  ..اوكي سر هو راني كنت تنبغيك بزاف وكنت تنفرح نمشي لخدمة غير باش نشوفك .. يوسف انتا بالنسبة ليا هو هداك الشخص لتخليني نبغي حياتي كتر..تمنيتك تكون حبيبي ولا راجلي ..تمنيت بزاف نعيشو معاك ... انا عرفاك ممعمرش راسك بهاد شي و هاد شي لخلاني نكتفي نبقى صديقتك او بحال ختك مهم نكون جنبك .. وسمح ليا شي مرات كنت نجي مبينة لحمي ونجي عندك و امالي غير نطمك بغاك غير تشوف فيا وطمع فيا ..بكيت بسبابك شحال من مرة و بقيت تنضعف في نفسي..ومع وقت هدرتك لكانت تتقويني..كنت حاسة بيك عارف ومتجاهل و في نفس لوقت تتعاملني بطريقة لعمر شي واحد عاملني بيها ..حسيت براسي اني استتنائية عندك..من دون كلشي تاواحد ممخليه يعمر معاك و انا لوحيدة لتضحك في وجها بزاف ...هاد شي قلتو غير باش نرتاح و انا دابا فرحانةو كافيني انك صديقيي .....هاد شي قالتو ومرة ضحك مرة دموع يطيحو وانا جامد ..شوي بدات تضحك كيف عادتها وقالت ليا طلاب ديالي اني باغا نتبدل باغا نكون شخص واحد اخر وغادية نبدا بحوجي هوما لولين وبغيتهم على دوقك...انا ضحكت وشديت ليها في يدها وقلت ليوم نعاملها بحال صحبتي ..مشينا تندورو و نشريو في حوج بحال مسطين..تاشرات لحوج لبغات وكان قرار اختيارهم اول ديالي..تقريبا عشية كاملة دازت ضحك و ايدي مفرقتش ايدها ..صافي سالينا ..مشيت نتمشى معاها لطموبيلتها ..حطينا حويج لشرات في الكوفر..وهي توقف شوفة فيا وقربات ليا شداتني من يدي و قالت..-يوسف بلاصتك ديما كينة في حياتي 

شكرا بزاف على كلشي ..في لحظة قربات بغات تبوسني من فمي وانا دورت شوي وجهي جات في جنب ...ركبات في طموبيل وقالت بسلامة بطريقة بحالا ودعاتني.. ومشات .. 

*هي

...مشيت لكافي مقادة مزيان وفرحانة ..لقيتو تتسنى فيا ..جالس و مقاد تاهو ...سلمت عليه وجلست ..بدا تعود على مشكل ديالو ومشاكيل الخدمة و كيفاش بدا تحس بلاصتو مبقاتش عجباه في الشركة ..مهم مسولنيش على راسي وقلت را غير مقلق خليني نتصنت ليه ..مدة عاد سولني و قال ليا بغيتك تكوني حبيبتي...انا نسيت انو مسولش فيا وبفرحتي هبت ليا هدرة قلت ليه را في بالي اني حبيبتك نهار اول..معرفتش مالي تقوليتي فين مشات يمكن مع احساس اني محتاجة واحد جنبي وبديت نحس ان دارنا خزنين عليا شي حاجة ومبقيتش مرتاحة وليت باغا فين نرتاح...خرجنا من الكافي مشادين ودوزنا خرجة زوينة بضحك ولمسارية .. كنت محتاجة هاد الجو وحاسة بفرحة بزاف اني لقيت لي غادي يفهمني ...في واحد الحظة جلسنا في بارك .. انا محاساش وشادة ليه في يديه بجهد .مكرهتش يبوسني في هاد اللحظة .شفت ليه في عينيه مبتاسمة هو بحالا حس بيا بدا يقرب يبوسني ..انا محسيتش دورت وجهي وباسني في حناكي..بان في وجهو تقلق مني انا معجبنيش حال يتقلق على قبل بوسة...مبينتش ليه بقيت شادة ليه في يدو و بستو في حنكو وقلت ليه صافي نمشيو...

بقلم ايمانو ايمان#هي_هو_و_30_يوم 

#الحلقة_10

الاربعاء 10 شتنبر

الساعة 8.15

*هو

... البارح نهار كامل هدى مابانتش في الشركة..معرفت مالها وسونيت مرة مجوبتنيش مقديتش نبقا نسوني  ... -يوسسسف  صافا..؟.....هاهيا جات ولكن هاد المرة مختلفة على لسبق ..جات مبدلة ومختلفة وزادت زيانت وستيل جديد جا معاها كتر ..   -هدى!! ..مالك توضرتي البارح؟ ..-يوسف غير كنت مريضة سمح ليا مجوبتكش البارح ..توحشتك ..كيف عامل مع الخدمة ...انا مشيت.. نشوفك في وقت الغدا ...لخدمة في الشركة كاملين تلفو معرفوهاش ..كلشي تيطلع ونزل فيها لبسه لمعري ولي كلو لوان فين مشا!! .. فين كان هاد الزين وهاد الوقفة ..تمن الهضرة تبدلات ..انا فرحت ليها نهار كامل و انا حاضيها و عجبني الحال نشوفها مرتاحة و تتهظر مع كلشي و مرزنة ومخيفة من تواحد..

الساعة 11.13

..-سي يوسف ممكن تكلم لمدير بغاك ...

*هي 

الساعة 20.20

...وليت من بعد ما نخرج من الخدمة تنتلاقا المهندس ونمشي ندور معاه شوي وولى ديما بيناتنا تيلي ..حسيت براسي بديت نولف هاد شي لبينا و بديت نولفو..هاد شي جا بزربة يمكن حقاش معنديش تجربة كبيرة في هاد شي ..انا دابا شادة طريق لدار من بعد ما تلاقيتو وتسارينا ..حاسة براسي في حلم فين كان من شحال هادي كان في بالي عمري نلقى ليفهمني ولا ليدير مجهود باش يرضيني ..دخلت لدار لقيت بابا ماما هادرين غير مع دخلة سكتو بحال مبغونيش نسمع لهضرة ليبيناتهم ..شافتني ماما جات باستني في جبهتي وقالت لي سيري بدلي حويجك باش نتعشاو.. بابا تيشوف فيا وضحك بزز منو ..انا بستو و مشيت دخلت بيتي ممسوقاش وهمي غير نسوني لنورة نعاود ليها على لمهندس ..-الو حبيبتي..اش نقول ليك راني بديت نولفو...الخرجة واعرة بزاف ..ههه هاد المرة جاب ليا صاك صغير ديال مكياج ..را قلت ليه باراكا من كادوات بلا مناسبة قال ليا اخر مرة تقول هكدا لجبت ليك الحاجة خوديها وضحكي و سكتي...اويلي لا مبستو مباسني مزعمتش....ههه صافي الشيطانة ديالي تتوريني غير الغريب هاد مرة نزعم....

الساعة 21.20

...ماما تتعيط ليا نتعشا مع نزلة من دروج لقيت بابا جالس مع لولد لعرضنا عليه اخر مرة..طلعت بجري بدلتي حويجي لمعرين نص صدري و لكولون لي مزير بزاف لور ...مشيت لبست بيجاما و مشيت نتعشى مع ماما في بيت الجلوس و بابا و هداك ولد تتعشاو في صالون ...سولت ماما اش جا يدير هادا تاني عندنا ...ماما بحالا صدمتها بسؤال بقات ساكتة وقالت..-مالو كيفاش تيجيك ابنتي !! ...صدمتني معرفت منقول ليها معرفتش حتا لاش سولاتني هاد سوؤال 

..-كيفاش اماما نجوابك وانا متنعرفوش..؟..ماما سكتات وحنات راسها ...والله مبقيت عارفة اش واقع في هاد الدار مرة ماما نهار كامل ساتة مرة بابا ميضحكش نهار كامل ولبراني لعمرو دخل لدار ولا ديما داخل خارج .. صافي قلت لمام شبعت بستها وطعت لبيتي بديت نبكي ..من بعد ما كنت فرحانة وليت تنقفقف بالبكا...

*هو

...معرفتش لمدير لاش عرض عليا لدارو تاني ..ولكن هاد المرة ماش بحال الاول.. عرض عليا بطريقة تقيلة و اكد ليا اني خاصني نحضر عندو معايا شي هضرة مهمة .. انا دابا عندو في دارو وهاد لمرة معشين غير حنا بجوج ..جلسنا تعشينا عادي وتيجيني تقيل في هضرتو وضحكتو...سالينا لعشى وقال لي اش بان لك نشربو شي حاجة في الجردة ..جلسنا وهو بدا تسول فيا و على حياتي تاني ولكن هاد المرة سول بزاف ودقق معايا ..شوي قال ليا .--ولدي يوسف علاش متتفكرش في الزواج ونتا كبير تبارك الله وواعي وقاري و بداركومخاصك تخير وانت ماشي ولد ديال دوران ولعب..!!...نفس الهضرة ديال لوليدة ولمتنعرف باش نقنعها اني شخص تيفضل يبقى ديما عايش بوحدو ماباغي تا شي حد في حياتي يفرض عليا راسو ولا نفرض عليه راسي..بقيت ساكت وحاني راسي وقلت لي غير مزال مستقريتش مزيان وحاس براسي باقي ممستعدش نتزوج ومزال عند طموحات باغي نوصل ليه..من بعد بقى تتشجع في و تقنعني ان زواج عمرو كان عائق في حيات الشخص بالاخص لكانت زوجة تاهي واعية و متعقلة ...لمهم هضر بزااف ..شوي قال لي .-ولدي يوسف باش نكون صريح معاك انتا ولد الناس وراجل تيقا وليت نحسبك لولد لتمنيت يكون ولدي بصح رغم اني معرفتكش مدة طويلة ولكن سولت وراقبت وتاواحد ما قال علك كلمة العيب .. ولدي يوسف كنتي وصيتني اني نحاول نعيش هاد لوقت لبقا ليا و نحاول نحقق جزء من هداك شي لتنتمنى ..انا حققت احلامي كاملين ووصلت لهداك شي لكنت نتمنى و في اخر ايام حياتي الله عرفني بولد بحالك لمكرهتش كون تعرفت عليك قبل ودرتك جنبي..ولكن باقا حاجة تنتمناها متحقاتش و بغيتك تعوني باش نحققها...... انا جوج من بناتي مهني من جهتهم وكل وحدة فيهم رزقهم الله بولا ناس ..ولكن بنتي احلام لباقي نفرح بيها ونشوفها براجلها ودارها وبغيت ليها ولد الناس ليفهمها وقد بيها انا عارف راسها قاسح و مخولة شوي ولكن قلبها بيض ...ولدي يوسف انتا هو لولد لتنتمناه يكون زوج ديال بنتي...   

بقلم إيمانو إيمان#الحلقة_11 الجزء الاول

الخميس 11 شتنبر

الساعة 15.50

*هو

....أووف اش هاد الحصلة حصلت في حياتي تاني ..ليل كامل منعستش ونهار كامل مادرت تا حاجة غير حاني راسي وشاد بلاصتي تنفكر ..اش غادي ندير ! ومعامن غادي نتشاور في هاد المشكل  !!..لمدير صدمني وعطاني يومين نفكر ونرد عليه ...غلبني بهدرتو و أثر عليا ومقدرتش نقول ليه لا  .. وأنا أصلاً نحشم نقول ليه لا وما قدرش نقبل!!  ..بديت خارج من الخدمة تا جات عندي هدى ..- يوسف صافا !..ليوم تتبان ليا مشي هو هداك شفتك غير تتخمم..واش واقعة لك شي حاجة ...معرفت باش نجوبها ..قلت لها ممكن نجلسو في كافي لامكان عندك ميدار ...جلست معها وعودت لها لقصة من أول تلخر ..بقات ساكتة وحد مدة تتفكر ..وهي تقول لي ..-يوسف .. ديما تنقول لك تا واحد شخص للبنت لعرفاتك مزيان عمرها تمنى شي واحد غيرك وأنك تستاهل للات لبنات ...أنا عرفة رأيي ميهمش وا ديما تدير لفي راسك ولكن تنضن عمرك غدي تلقى حسن من مدير تناسب معه ....قالت هاد شي وبين عليها الحزن... وكيف العادة ديالها في نفس لحضة ضحكات وقالت ليا ..قبل را باغى نشطح في عرسك انت وش ناوي حياتك كاملة تبقى بوحدك وضيعني أنا من حضور عرسك ...

الساعة 18.30

*هي

...أنا واقفة دابا مع صحابتي ديل الخدمة لي يلا بديت نتعرف عليهم ودبا تيتافقو يتعشاو مجموعين ومعاهم شي ولاد من الخدمة وأنا في صراحة معجبنيش هاد الجو انا باغى غير نمشي لدارنا ما قادة على دسارا ديال ولاد تا هما..شوي تا وقف المهندس الفارس ديالي  بسيارة  حدا  شركة وجا جرني من حداهم .. وعتقني من هاد موقف لكنت فيه ...ركبت معاه في السيارة وقال لي واش عندك ميدار دابى ..قلت ليه لا ..قال ليا شنو بان لك نمشيو نشربو شي حاجة ..أنا وافقت ..ولكن تا صدمني قال لي نشربوها في دار عندي ...أنا ما عرفت ماندير بصدمة بقيت ساكتة وقلت ليه لي بان لك ...مشينا لشقة عندو..شقتو مفرشة مزيان ونقية بزاف ..أنا جلست حدى تيفي تنتفرج هو جاب عصير وجلس جنبي ... بدينا هادرين وتنضحكو تشد ليا في إيدي ..أنا في هديك اللحضة كنت محتاجة شوي واحد جنبي صافي نعست ليه على كتافو ..معا الشوفة في عينيه بغيت نضحك ..باسني من فمي بشوي صدمني أنا بقيت بحال أصنامة مدهشرة .. هادي أول مرة واحد يبوسني من شفايفي .. رغم اني مكنتش متوقعها هو زاد بسني تاني وبدا تي بوس في حنكي ..أنا مقردتش نقول ليه بركة تنقول هاهو دابى يفهم راسو مع صافي جمدت ..شوي نزل لعنق ..وحط  يدو على ...  دفعتو  وقلت ليه باركة .. جرني حداه وعانقني بجهد .. أنا دفعتو وغوت عليه صافي را قلت لك بركة .. مع شدني من إيدي نضت من حداه هزيت صاكي وقلت ليه صافي أنا ماشية  لدار ..قال لي بقاي غير شوي يلا جلسنا ..قلت ليه واش توصلني ولا نمشي فحالي راسي .. بقى ساكت شوي وهو يقول لي ملي تي مبغاش علاش في أول دخلتي معايا لدار ... كانت هادي هي نهاية بنسبة ليا مكنتش نصحاب تفكيرو شيط هكدا ..دموعي طاحو من عيني حنيت راسي وبديت غادية من كترة الصدمة... .جا شدني من يدي وبدا تي قول ليا  را منويت والو ..ضربتو بي صاك وقلت ليه ..-قود بعد مني الحمار تفوو عليكم كاملين ...كاملين حمير كاملين مسوينش كاملين شيطين ...وبديت نغوت بجهد وتنبكي ونضرب فيه بصاكي وهو مصدوم في بلاصتو .. شديت طاكسي و مشيت دار دموعي مبغوش اوقفو و رجلي تترعدو ...مالي  حياتي كاملة وأنا بعيدة على هاد صداع نهار قلت لقيت ليفهمني طلع ميسواش .... مشيت دار وسديت عليا  بيتي وبديت نبكي ..الحلقة 11 الجزء الثاني

*هو 

الساعة 21.23

....مبقيتش قاد نستحمل نفكر كتر .. سونيت لواليدة ..- ألو  الواليدة ...توحشتك ..اش خبارك ... مزيان ياك كلشي بخير ..سي حسن اش خبارو ....-..ملك أوالدي واقعة شي حاجة ...هضرتك ما عجبنيش أولدي ..-.. عندي لك وحد خبار..-..قل أوالدي را خلعتيني ياك لاباس ..واش مواقع لك والو قول لي أولدي متخزنش عليا ...مهم عودت ليها فيلم كامل من أول ..قالت لي -... والدي.. الرجل تتقول عليه والد ناس وعائلتو عاملوك مزيان ورتاحيتي ليهم .. اش نقول لك أنا مادى بيا نشوفك عريس أولدي ونشوفك بوليداتك وبدارك باغى نفرح بعيني لتنشوف بها ..أنا مدى بيا غير تزوج بنت ناس كيفما كانت بفلوسها ولا بلاش .. أنا ماعندي في هاد   دنيا غيرك . بغى نشوفك فرحان أولدي وتفرح ميمتك معاك ..أنا بديت نبكي بهدرتها..وأنا لخايف غير تجي جي وحدة وتبعدني عليها ..أنا لعمري بغيت شي وحدة في حياتي حقاش ديما تنقول قلبي عمراتو ميمتي بحبها ليا ولي فنات شبابها على ودي أنا ...-..وليدة واش تقدر تجي عندي غدا تي وسي حسن.....ومن بعد صونيت لمدير وقلت ليه أنا موافق من غير خاطري ..

*هي 

الساعة 22.10

...بقيت نبكي  تداني نعاس ...شوي تنسمع دقان في بيتي .. هادي ختي الصغيرة ..-..أحلام ..أحلام ..واش تي هنا .. مالك متتجاوبي في تلفونك وسادى عليك لبيت ..أحلام را ماما بغاك نزلي عندها .. أنا فقت حليتي عليها بيت مع شفتها دموع بداو ينزلو بوحدهم وهي مع خوافة بزربة صفارت ..وبدات تقول ليا..-.. مالك أختي .. ناري مال عينيك منفوخٍين بلبكا . يلاه بغات تغوت شديتها عندي وقلت ليها والو غير ميرضا شوي ..صافي غسلتوجهي  وبدلت حوايجي ونزلت تحت عند دار ..لقيت بابا وماما تتسناوني ..ضروري كين شي حاجة ... مع شافتني ماما قالت ليا مالك عينك منفوخٍة  ...أنا بقيت ساكتة وتتسمت من غير خاطري وقلت ليها ولو را كنت عيانة وناعسة .. وهي تعانقني بجهد وقالت ليا  باباك باغى يهدر معاك ... مشيت  مع بابا جردة ..جلسنا وهو يبدا يسول فيا كيف غادية مع الخدمة واش أنا مرتاحة وهو يعانقني وزتيرني عندو وقال ليا -..أحلام كلشي عارف معزتك وقربك عندي ...عرفاني كنبغيك ومفضلك على كلشي وانتي أكتر وحدة قريبة ليا  .زيادتك مكانتش عادية ودخلتي عليا بلخير .. بنتي جا لوقت لنفرح بيك تا نتي ونشوفك عروس ابنتي ... شفت لبابا في وجهو مصدومة ...- بابا راك عرفني بقى متنفكرش في زواج لاش تتقول ليا هاد الهضرة !! ...- بنتي عارف ولكن باغي نفرح بيك بحال خواتاتك وهدرو فيك شي ناس لمقدرتش نرفضهم ..-كيفاش أبابا واش بزز أنا مبغاش نتزوج ...ومنتزوش رجل عمري شفتو ولعرفت أصل ...بابا ....أنا دموعي طاحو .. وهو دموعو تا طيح منهم كل مرة دمعة وتمسحها ..- بنتي عمري في حياتي مفرضت عليك شي حاجة بنتي را جاو فيك ناس لمقدرتش نرفضهم ..بنتي سمحي ليا را مقدرتش نقول لهم لا..- بابا أنا مموفقاش..مباغاش نتزوووج واش متتفهمش مبغاش نتزوج ...نضت نجري تنبكي غادية لبيتي ..تعرضت ليا ماما في طريق بغى تعانقني ...وأنا نغوت عليها ..-..وبعدو مني فرقوني عليكم ..وتنتف في شعري ..هما عمرهم شافوني بهاد الحالة ..ختي بدات تتبكي وتتغوت تتقول لهم بعدواا منهها خليوهاا عليكم ..بعدوو منها ...أنا مشيت بيتي وتلحت في بلاصتي ..شوي تبعتني ماما ..وبدات تتمسح ليا في راسي وتتبكي ..جات جلسات حداية  حطت ليا راسي على ركبتها وأنا تنبكي ... وبديت نقول لها ..-ماما واش عمري درت لكم شي حاجة ..ماما علاش متتحملونيش ..ماما علاش تا واحد مبغى يفهمني ..ماما أنا بغى غير نبقا هانية ..ماما لاش باغين تبيعوني ..ماما متسمحيش فييا خليني حداك متفرقنيش ....وختي تتقول ليا باراك عليك أختي حشومة عليك ولهما نخليهم يبيعوك ..ختي راني منمسمحش فيك ...ماما دموعها عمرو ليا شعري ومعنقاني من راي وتتقول ليا  ..-لا ابنتي ..عمري نسمح في كبدتي ..بنتي نتي هي روحي نخليك ديما حداية ...بنتي باركة عليك من لبكى..غادية تمرضي وتمرضيني معاك  ابنتي باركة عليك ..محسيتش براسي تنعست فوق من حجر ماما ...#هي_هو_و_30_يوم 

#الحلقة_12

الجمعة  12 شتنبر

الساعة 6.05

*هي

..فقت الصباح لقيت ماما ناعسة حدايا ..نضت من حداها بشوي لبست سبرديلتي و لبست جاكيتا فوق البيجاما وهزيت تيليفوني.. نزلت تحت بان ليا بابا وختي ناعسين في بيت الجلوس ..وخرجت بلا مندير الحس ...خرجت تندور وتنفكر كيفاش هاد شي وصلت ليه انا كنت حاسة كينة شي حاجة ولكن بابا عمرو في حياتو فرض عليا شي حاجة ...شكون هاد الناس لمقدرش يقول ليهم لا وفضل يعطيني ليهم باش يبقاو بخاطرهم !! كلشي تجمع ليا في دقة المهندس لبديت نبغي طلع ممزيانش معايا ....اوووف ....غادية تنخمم و تنبكي ..ممستحملاش ...جلست في لبارك و درت ايدي على راسي وتحنيت تنبكي ...شوي كانو شي مراوات تيجريو ودازو من حدايا بقاو حاضيني ..ووحدة فيهم وقفات وجات لعندي ..جلسات حدايا وعنقاتني وبدات تواسي فيا وقالت لمروات صافي سيرو وفاش تبداو راجعات تلقوني هنا..بقات معنقاني و انا تنبكي بيد ايدها ..سولاتني على اشنو واقع ..انا بقيت ساكتة وقالت ليا ديريني بحال صاحبتك...بقات عليا تعودت ليها قصتي وقلت ليها..-..دارنا بغاو يبيعوني .. انا حياتي عمري تصورتها هكدا...اناباغى نتزوج لتنبغي ...انا كيفاش نسمح في احلامي ونعيش مع راجل متنحملوش....بقيت نتشكى وهي تتسمع مقطعتنيش تسكت .... وهي تقول ليا ..-عرفتيني لاش وقفت جيت عندك !!..20 عام قبل كنت في بلاستك جالسة وتنبكي ..لفرق بيناتني اني كنت تخطبت ووافقت وكنت فرحانة ولكن باقى مكملاتش فرحتي سمح فيا باش يتزوج بنت عمي... اما دابا انا فرحانة حقاش سمح فيا والله عوضني براجل حسن منو لتسنيتو 3 سنين تفقدت الامال.. .. باباك من هضرتك بين تبغيك ومنظنش غادي يعطيك لناس ليكرفسوك ..ولحب لتتهضري عليه لعطيتيه فرصة غادي هو يجي لعندك بلا متمشي عندو...شوفي ابنتي عيبنا اننا تنبقاو تنحلمو وتنساو ان القدر مكتوب..باستني في جبهتي ومشات...انا بقيت جالسىة نفكر في كل كلمة قالتها... صافي تخديت قرار ديالي  ...

الساعة 9.10

...جعت لدار مع الدخلة لقيت ماما و بابا خيفين جاو عنقوني وماما تتقول ليا..- بنتي فين مشيتي ..خلعتيني ابنتي مالك كنت طافية تيليفونك...بقات منقاني وتتبكي وبابا تاهو و عينيه تنفخو بزاف...جا عنقني وقال ليا ..-سمح ليا ابنتي متزوجيش بقاي غير حدايا نشوفيك ..انا باغي ليك غير راحتك ...جات ختي مع راجلها لصباح عيطت ليه يجي عندها من خوفها عليا باش يعون بابا يقلبو عليا....شدني بابا من ايدي وداني جلسنا بجوج وبدا باغي يحزرني ويضحك معايا ..شوي قلت ليه بابا نقول لك حاجة ومتنقشنيش فيها ...جمدفي بلاصتو وشد ليا في ايدي وقال لي بنتي صافي مبغيك تقول والو نساي الموضوع ...قلت ليه غير تصنت ليا ...سكت هو وبدا يتصنت ليا..-بابا سمح ليا على هضرة لقلت البارح.

.. بابا انتا هو الراجل لوحيد لبغيتو في حياتي والراجل لعمرو قال ليا لا لشي حاجة طلبتها ....بابا انا قابلة نتزوج

بقلم ايمانو ايمان

ا#هي_هو_و_30_يوم 

#الحلقة_13

الجمعة  13 شتنبر

الساعة 17.25

*هو

... من بعد ما جات عندي لواليدة وراجلها وتاصل بيا لمدير باش نجيب دارنا ونمشيو عندو ..دابا حنا في دار المدير جالسين مجموعين ...كين لمدير وبناتو ورجالتهم و نساباتو وزيدة كينة اخت المدير...جلسات لوليدة حدا مرت المدير و انا مع راجل بنت لمدير لسبقت جلست معاه وهو لمبرد عليا هاد خلعة ولحشمة لانا فيها ..مهم كلشي تتسنى بنت لمدير تجي تجلس معانا باش نتفاهمو ..شوي مرت المدير ناضت هي والوليدة ....

*هي

...انا قبلت غير باش ندير لخاطر لبابا مزال لحد الساعة معرفاش تشكون هاد الراجل لغادية نتزوج بيه ومرضيتش تنسول وما فهماش علاش هاد زربة كاملة ..صافي ستسلمت لحياة دير فيا لي بغات...انا دابا جالسة مع خي في بيتي باش تعوني نلبس شي حاجة زوينة ..بين فيا مفرحناش و ختي مرة مرة تعنقني وتمسح شي دمعة لنزلات ..شوي تدخلات علينا شي ماما وشي مرة معرفتهاش ...جات ماما وقالت ليا هادي فلانة را ام العريس... انا تصدمت بالحشمة حنيت راسي معرفت منقول..ودخلني شك لمرة بينة عادية من طريقة لبسها .. انا كنت متوقعة  شي حاجة ملي بابا بزز عليا زواج ...منحكمش دابا يقدر غير سبقت الاحدات ..ماما غمزات ختي خرجات وتبعتها هي وخلوني بوحدي معاها...جات لمرة جلسات حدايا وباستني فحنكي وجبهتي..شداتني من ايدي وقالت..-..تبارك الله عليك زوينة بزاف ابنتي...وشافت فيا وتبسمات وانا مخلوعة ..عرفتني على راسها و بدات تسول فيا وانا حاية راسي تنجاوب غير بآه ولا لا ..تسولاتني بطريقة مباشرة ...-..بتي واش انتي موافقة على هاد الزواج!!..انا محسيتش براسي تبديت نبكي .. قالت ليا ..-..عرفتك ابنتي خيفة..بنتي حقك تخافي راكي في طريق لحياة جديدة..بنتي  بينة فيك الله يعمرها دار ..اي ام تتمنى تكون عندها بنت وانا الله رزقني بولد واحد لهو عمارت عيني وهو حياتي ...من دابا عتابري راسك بنتي وعتابري راك مطحتيش في الناس لي يكرفسوك في حياتك ..ولدي تاهو ماشي ولد ديال تكرفيس ..غادية تعاشريه وتعرفيه مزيان ..انا هضرتها برداتني شوي وجاتني مزيانة ولكن شاداني دوخة ..هاد شي غادي بزربة ..

الساعة 18.15

...نزلت لتحت انا وماما وختي ولمرة لغادية تولي نسيبتي..مع دخلت صالون جلست هزيت راسي نشوف شكون هاد راجل...صدمة...هادا تاني وبغيت نفهم ونعرف شكون هادا..وا كيفاش بقا تا كال لبابا عقلو ..بقا يتقرب منو دقة دقة بطمع بينة ..انا عارفة بابا ماش واحد ساهل يتلعب بيه ولكن كل واحد فينا عندو نقطة ضعف ديالو ...انا دابا واخدة كلشي على الله ومبقا عندي رأي ولا كيفاش نرفض ..

*هو

...من بعد مدة نزلات بنت المدير ومرتو وبنتو و لوليدة ..لغريب لوليدة نازلة فرحانة..بينة عجباتها ..شوفتها هكداك انا طمأناتني شوي ...مهم من بعد جلسنا وتفاهمنا ولمدير هو لكلف راسو بكلشي وتافقنا لعرس يكون ليلة الخميس جاي ...شوي لمدير عيط ليا مشيت معاه جلسنا في بيت الجلوس قال ليا تسنى ومشا وجاب بنتو جلسها قريب مني وقال لينا تعارفو بيناتكم ...اش غادي نقول جلسات حانية  راسها انا حنيت راسي .. شوي قلت ليها سلام انا ..انا...عرفتها على راسي بزربة ..هي بقات ساكتة تا قالت ليا لبغيت نعرف هو اش جابك في حياتي..صدمتنيي 

*هي..

...من بعد متافقو على كلشي ولي ما كان عندي تا رأي في شي حاجة..ومن بعد صدمة ديال ان لعرس باقا ليه  سمانة..جا بابا داني جلسني حدا ولد لي وليت عارفة فيه غير سمية...جلست مرضياش نهضر معاه ولا حاملاه ..تا هو بقى ساكت مقال والو... عاد بدا تعرفني راسو وبطريقة تقيلة بزاف ..معرفتش مبغاش يدخل ليا لخاطري وعارفاه جيبو طمع ..لولد ليقبل ببنت معرفهاش وجيبو لها طمع ماشي راجل ..هادي حالت واحد باغي يتزوج ..بقيت صابرة تقلت ليه ..-انا مبغى نعرف علك والو باغا نعرف اش جابك في حياتي ..هو حنا راسو ومشافش فيا ومشا#هي_هو_و_30_يوم 

#الحلقة_14

الخميس 19 شتنبر

 اليوم الاول

الساعة 22.00

*هي

...من بعد سيمانة ديال توجاد لعرس ولي انا كنت بحال لمنيكة هما تيخدو فيه القرارات وانا كل معليا هو نقول اه موافقة ..سيمانة ديال صداع راس ..والعائلة كاملة جات لدار وبنات خولاتي كل مرة يسولونو شكون هاد الراجل وانا معارفة باش نجاوب وحاسة بحال تتشفاو فيا...ياربي اش هاد لمكتوب..انا دابا عند الكوافورة ومعايا ختي الصغيرة وصاحبتي نورة.. حانية راسي ومتنشوفش تا في المرايا ..من بعد شحال ديال لوقت معرفتش توقفوني وقالو لي ساليني والعريس تيتسنى حدا الباب ... شداتني ختي وصحبتي من يدي وقفوني و الكوافورة بدات تزغرت وبداو يغنيو ..شوي دخلات ختي الكبيرة فرحانة وتتزغرت وقالت ليا..-..ضحكي مالك مغوبشة في ليلتك ..ضحكي را البكوس ديلك تتسناك حدا الباب...هادي مالها واش تضحك عليا اش من بكوس ولا....خرجت من عند الكوافورة لقيت الناس مجمعة فراحنة تتزغرت وتشطح وكلشي لابس ومقاد وضواو ديال كميرات انا دخت ..شوي حسيت بشي ايد شداتني وزيرات عليا درت لقيتو يوسف ..ولكن ماشي هو يوسف لتنعرف هادا بكوس كيف قالت ختي ..سيد مقاد ولابس مزيان ولحيتو لمشتنفة مقادة وشعرو ممشوط ..وكوستيم بدلو ... مهم انا بالخلعة ودهشيرة شديت فيه تانا...

*هو

...اخر حاجة كنت متوقع في حياتي هو اني نكون معروض في عرسي ..سيمانة وتنتمنى توقع شي حاجة لتخلي المدير يتراجع على هاد زواج..ولكن فات الفوت ودابا تزوجت رسميا ببنتو..انا دابا جالس في طموبيل حدا العروس لهي ماحاملاني ما انا حاملها..تا واحد فينا ماضاحك  ..من بعد طريق وصضاع كلاكسون ضرني في ودني وصلنا لفيلا ديال لمدير ..مع الدخلة لباب تلاقتنا لواليدة و مرت المدير بزغاريت ودنيا عامرة وصداع بزاف وتنكره هاد اجواء لفيها بنادم مخلط بزاف ..

*هي

...حاس براسي ماشي في عرسي..ماشي هكدا تمنيت عرسي..ماشي هكدا حلمت وخططت ..علاش كلشي تبان لي فرحان وتواحد ما حاس بيا..بغيت غير شي حاجة تفرحني في عرسي ولكن كين غير لتعصب..كل مرة تجي وحدة تبارك ليا تقول ليا فين كنت خازنة هاد البكوس ..مين جبتيه ..وخدوه غير فكوني منو ومن وجهكم ...ماما كل مرة تجي تقول ليا ضحكي لناس مالك ..شوي وحدة جات عندو سلمات عليا وقالت ليا مبروك ومشات عندو وشدات في ايديه وطولات شدة ..ولمشكيل هو مجاوب معاها وضحك ليها ...ياربي نكون نحلم...

*هو

...انا خرجت من الجو ديال لعرس وبديت غير تنفكر في اي حاجة لتنسيني في هاد الحصلة ...شوي جات هدى عندي..سلمات وباركت ليا وقالت ليا ..-.ضحك را عرسك هدا ماشي حفلة ديال شركة كين شي واحد خيد هاد الزين كامل ومغوبش..قول ليا كيف درتي ليها زيانيتي بزربة...في صراحة هضرتها ضحكاتني بلا منحس ...

*هي

...ليلة طوالت بزاف ..بلا منحس بغيت نبكي زيرت راسي و من كترت تزييرة بلا منحس جاتني تبوريشة ..وبحالا هو حس بيها ..شد في ايدي مزيان وزيرها وشاف فيا وبتاسم..صافي خليتو شادني هكداك ...ودرت نتفرج في الناس لمن مفروض هوما يتفرجو فيا..#هي_هو_و_30_يوم 

#الحلقة_15

الجمعة 20 شتنبر

 اليوم الثاني

الساعة 4.00

*هي

..من بعد ليلة طويلة ديال صبر ..جات ماما ومامات يوسف عندي لبيت ديال لكنت نبدل فيه حويجي وسلمو عليا وماما تتبكي وانا بديت نبكي معاها ..ماما تتقول ليا متخفيش ابنتي..جا بابا تا هو تيبوس فيا ويبكي عنقوني وسلمو عليا ..انا تعجبت عاد فهمت راه وصل لوقت نمشي مع ..وصل لوقت نولي مرة....شداتني بكية وعنقت ماما بجهد مبغيتش نفرقها ...دموع في عيني مخرجيني بزز حداه..وهو مفهتوش لاش مرة مرة تزير شدة بحالا باغي يخطفني..

*هو

...جا لوقت لناخدها لدار ..وكانت فكرة بابها ان ليلتنا لولا تكون في الدارعندي ..حاس بيها وبخوفها ..محملتش هاد المنظر ..ومحملتش ناس ديرين بيها وتعنقو وودعو فيها ...بغيت غير نقول ليها سمحي ليا راني ماشي انا هداك لوحش لجا يخطفك من داركم ..سمحي ليا ولكن تاأنا مرضيش ومجبر...

*هي

...من بعد طريق طويلة... ديال لخلعة ولبكا ومبعدة منو ..وصلنا شيفور وراجل ماماه لدارو ...حل لباب وسبقني لبيت نعاس وانا حانية راسي وخيفة ..وصلني لبيت نعاس لي لقيت فيه باليزا ديال حوجي ..ونزل هو سلم على راجل ماماه ..انا سديت عليا لبيت وبديت نبكي ..وتنفكر اش ندير ولخلعة شاداني ... ملي هوما باعوني رخيصة لاش نبقى نفكر اصلا ملي هو بحالو بحال رجال طامعين غير في بين فخاضي لاش نبقى نمرض في راس ونفكر بغوني رخيصة نولي رخيصة....شوي سمعت دقان بشوي في باب بيت نعاس مسحت وجهي من دموع وقلت دخل ..دخل هو وسلم عادي وانا تنتسناه يقرب ليا ولا يدير شي حاجة  ..صافي ستسلمت ..صافي قال ليا بغيتي نجيب ليك حاجة..مجوبتوش وقال ليا مهم لبغيتيشي حاجة قوليها ليا ..انا مفهمتوش..ومشا نيشان ماريو وهز حويج نعاسو وغطا..وخرج من البيت ..انا تعجبت بقيت جالسة تنتسنى مفاهما والو ..بقيت نخمم تداني نعاس....

الساعة 7.30

...جاتني فيقة ...نضت من بلاستي ولجو مبدل عليا ..خرجت من بيت نعاس وتندور في وجهي ..نص اثاث ديال الدار بين يلا مبدل ...دار عادية وصغيرة ..طليت في صالون لقيتو ناعس تماك ..مهم بان ليا وحد بيت مسدود قلت نشوف اش فيه لقيت فيه مكتبة وعامرة كتوبة وشي كتوبة مجليين في ارض ..صافي سديت لبيت ورجعت لبيت نعاس ..شوي فاق هو ..تنسمع غير تقرقيب ...جا عندي قال لي صباح الخير را الفطور فوق طبلة ورا سونات لوليدة شوي غدين يجيو هنا...

الساعة 10.10

..سمعت صوت سيارات تكلاكسونيو وزغاريت حدا الباب مشا حل عليهم ...كلشي دخل الدار وبدا شطيح ولغنا تاني جات عندي ماما عنقاتني قالت ليا مبروك ابنتي كيف دازت ليلتك انا حنيت راسي معرفت باش نجاوب ..جات ماماه قالت لماما خليها راها حشمانة وقالت ليا مبروك تاهي ..جات ختي صغيرة ونورة صحبتي عنقوني وبداو يتغامزو وي ضحكو شوي ختي قالت ليا وليت مرة صافي مبروك...معرفتش كيفاش نشرح ليهم انو مقاسنيش...#هي_هو_و_30_يوم 

#الحلقة_16

الاحد 22 شتنبر

 اليوم الرابع

الساعة 4.00

*هي

الساعة 6.10

...فقت بصوت تقرقيب ..عرفت بلا يوسف فاقمن نعاس..هادا نهارنا 3 في دار واحدة وعمرو نعاس معايا ولا فات معايا جوج كلمات وانا مزال عمرو سمع صوتي ومزال هو لتطيب ليا ما ناكل ..وتغسل لماعن ...بقيت فيقة تمبقيتش سمعت لحس وفقت غسلت وجهي وقلت صافي خرج نفطر قبل ميجي لدار..مع بغيت نجلس وهو يبان ليا جالس في بالكون وتخمم وانا رجعت لبيت نعاس بزربة...

*هو

...فقت كيف ديما بكري ..قلت ندير فطور باش تفيق احلام تفطر ..باقي ماولفتش هاد لجو ديال ساكن معايا شي واحد في دار...لمهم نخرج من دار باش تفيق تلقى خاطرها وتفطر وتقدي شغالها وهي مرتاحة..هزيت كتاب من لعندي وخرجت جلست في قهوة بوحدي...شوي سونا ليا المدير في تيلي..

الساعة 18.05

*هي

...من بعد نهار كامل وانا جالسة في دار حاضية تيليفوني ولا تنتفرج في تيلي وغير يجي يوسف لدار نتخزن في بيت نعاس ..ولينت لاعبة معاه بحال لمش مع لفار وهو عمرو تتشكى مني ولا بغا يدخل لبيت ياخد شي حاجة تدق في باب لمقلتش ليه دخل متدخلش..شوي جا عندي قال ليا لبسي حويجك را معشين في داركم ليوم ..

الساعة 20.15

...من بعد طريق كاملة لدارنا راكبة حداه في السيارة ومرة مرة ندور عيني فيه وهومتشوفش فيا بحال مكيناش حداه ...وصلنا لدارنا ومع الدخلة كلشي مجموع وبحال ديرين شي حفلة تا جات عنقاتني ختي وقالت ليا عيد ميلاد سعيد عاد تفكرت ليوم كملت 24 سنة ...ليلة كاملة كل مرة يجي حدايا واحد ويبدا سول فيا كيف دايرة عيشة ديلي معا يوسف و انا تنقول غير مزيان ..بابا لوحيد لمسولنيش....من بعد لعشا كلا جاب ليا كادو وكل واحد تنشوف اش جاب ليا تنشكرو ونعنقو مهم شفت كادوات كملين ولكن لغريب ملقيتش كادو ديال يوسف وحسيت بحال تزتهزء بيا و تا انا معبرتوش ومسولتش ودرت راسي ممسوقاش..وهو اصلا ليلا كاملا مقربش ليا وليلة كاملة مجمع مع خواتاتي و ولاد ختي تيلعب ماهم..من نهار عرفتو مشفتو ضاحك هكدا ...من بعد ليلة زوينة وكنت محتاجاها باش نحس براسي بخاطري تاني طلعت لبيتي نعس ..لقيت فوق نموسية ديالي كادو مغلف انا قلت بابا مخلي ليا شي حاجة مفاجأة مشيت بلهفة تنفتح فيه لقيتو كتاب عنوان ديالو"انا لست سارقا" وفي صفحة اولا مكتوب من يوسف احلام ...هزيت كتاب ضربتو مع لحيط ومكرهتش نقجو هادا واش مريض اش من كادو هادا واش بغا يوصل ليا بيه ..زعمة حاس بيا شاكا في طمعو في بابا ولا كيفاش...مشيت بالكو قلت نجلس نبرد هاد الغديد ونسي ..وهو يبان ليا جالس معا بابا هادرين ..ومنبعد مدة طويلة وهوما هادرين بابا ناض من حداه باس ليه في راسو ومشا...اش هاد شي نهار نقول فهمت تنزيد ندوخ...بقيت حاضياه اش غادي يدير ..والو متحركش من بلاصتو بقا جالس تخمم تا عييت وداني نعاس..#هي_هو_و_30_يوم 

#الحلقة_17

الخميس 26 شتنبر

 اليوم الثامن

الساعة 6.00

*هو

..ريفاي تيسوني وحاس براسي مبغيش نفيق من نعاس ...صافي عييت ..كلشي تراكم عليا..من بعد الحفلة دال عيد ميلاد بنتو ولي قال لي فيها را مسؤولية شركة تولي بين ايدك دابا ورا هدر مع شريكو لتلاقيتو ووافق نولي مساعد لمدير ...ومن بعد سيمانة ديال زواج لمحملانيش فيه لمرة ...تقل عليا هاد شي وبديت نحس بي ضغط كبير ..فقت كيفما ديما وبنس روتين درت شوي سبورة دوشت مشيت بالكو ...خليت لفطور واجد ومشيت لخدمة ..

*هي

...كيف لعادة غير حسيت بيه خرج فقت دوشت ومشيت نفطر ونوجد ما ناكل لغدا ..

الساعة 15.00

..مليت من مسارية في دار قلت ندير شي حاجة ..بغيت نخرج وخفت مزال ما فيا منتلاقا مع شي حد ..شوي تفكرت  لبيت لي فيه مكتبة قلت ندخل لعجبتني شي حاجة نقراها ....لقيتو مسدود هاد المرة ..معرفتش كيف جاني في بالي نقلب تحت فاز لحدا لبيت ولقيت ساروت..فتحت الباب ودخلت ...دنيا مرونة كتوبة و كراطن محطوطين في ارض ..بديت نقلب كتوبا كل مرة نهز كتاب..شدني فضول قلت نقلب كراطن ..مشيت نقلب تنلقهوم عامرين تصاور وهو صغير ..تصاور في اول عاديين ديال وعائلية ..تصاورو وهوصغير معا ماماه وبين لي معاهم باباه لميت...من بعد تبدلو تصاور وصدمة ..تصاورو صغير وهوفي حالة وتيبيع كارو شوي تصاورو في شي محال ديال بيع وشرى..تصاور بزاف ديال قرايا ديال مناسبات ديال...كملين بين فيهم فقر..مقديتش نكمل صافي جمعتهم ورجعتهم ...شوي بان ليا دفتار هزيتو..في صفحتو لولا مكتوب بخط كبير "شخص مثلي دائما ما ينتهي به الامر ان يعيش وحيدا او يصبح مجنونا" صافي سديت دفتار ورجعت هداك شي كيف كان و مشيت بيت نعاس وانا تنخمم ودراتني هديك جملة في خاطري...

الساعة 22.30

*هو 

... ملي جيت من خدمة احلام مبغات تخرج من بيتها فينما ندق عليها نقول ليها فيقي تعشاي تقول ليا مفياش جوع ..معرفتش اش واقع وخلعاني عليها..اش هاد لحصلة حصلات معايا هاد البنت ..انا حاس بيها ومن حقها دير هكدا لواحد بين ليلة ونهار ولا راجلها وهي ما عارفة عليه والو ..انا قلت ندخل عندها نشوف اش واقع ..دقيت بلا ما قالت دخل ..دخلت لقيتها فوق ناموسية وطافية ضو ..سولتها ..مالك واش ضاراك شي حاجة ..يلا شعلت ضو بغيت نقرب و هي تقول ليا بعد مني ..انا زدت قربت بانت ليا تتبكي قلت ليها غير قول ليا اش واقع وهي تنوض من بلاستها تتغوت بجهد..-بعد منييي..خليني عليك في تيقار.. لا كانت فيك نفس فرقني عليك....بقات تغوت انا خرجت من بيت ..وهي سدات باب بجهد..

*هي

...معرفت اش وقع ليا وتعصبت وفقدت شهية وبديت نفكر نهرب ولا نتاحر ..ضخت وتلفت ...من بعد ما عيرت يوسف وغوت عليه بقا فيا الحال بزاف ومكانش عليا ندير هديك ردة الفعل ..قلت نمشي نطلب منو سماحة ..خرجت من لبيت لقيت دار مظلمة وسقيل ..قلت راه نعس مشيت صالون نطل مبانش ليا ناعس..طليت في بالكون بان ليا جالس مشيبشوي وحشمانة وخيفة ..قربت منو وهو يبانليا تيبكي ..حنيت راسي ودموع بداو ينزلو وانا نرجع لبيت كارهة راسي بقيت ليل كامل نبكي تنعست ..#هي_هو_و_30_يوم 

#الحلقة_18

الجمعة 27 شتنبر

 اليوم التاسع

الساعة 19.00

*هو

...ساليت لخدمة رجعت لدار لقيتها على غير العادة مجموعة ومجفة ونقية ..ولقيت احلام في الكوزينا تطيب انا مفهمت والو جاني لعجب قلت منبرزطهاش هزيت كتاب وطلعت سطح ...

الساعة 21.15

..نزلت لقيت طبلة ديال لعشا مقادة و كلشي ..لقيتها ديرة المقارونية وكواري لكفتة و عاصرة ليمون..مشيت جلست وهي جلسات قبالتي ..كلا تياكل في طبسيل بوحدو ومتنهدروش ..ههه بينة فيها ممولفاش طياب بزاف ولكن ميهمش معرفتش لاش بقيت ناكل تخويت طبسيل... وهي مكالتش بزاف ..غير ساليت ماكلة ..جمعات طبلة ومشات كوزينة ..انا معرفتش كيف نجبدها بالهدرة ولا نقول تا شكرا وهي مشافتش فيا بمرة ..من بعد ما سالات شقا في كوزينة بدات راجعة لبيت وتساطحنا وسط دار ..وقفات حانية راسها وقالت ليا ..-بغيت نقول لك غير سمح ليا على لبارح...ومشات وسدات عليها لبيت...

*هي

...بقا فيا الحال لبارح غوت عليه وبقا فيا حال بزاف فاش شفت دموعو ...قلت نعتدر منو باي طريقة ...لمهم درت لي عليا وعتدرت ورجعت لبيت..ملقيت ميدار قلت نتكونيتطا في تيلي ..معرفتش فين حطيتو بديت نقلب عليه..والو..مشيت لصاكي ..لقيت غير كتاب لجاب ليا يوسف في عيد ميلاد..قلت نقراه نضيع بيه وقت..بقيت ليل كامل وانا تنقرا فيه تكملتو وهمي غير نفهم لاش هداه ليا انا عارفة مهداهش ليا هكاك...مهم كتاب هو رواية خيالية تتهضر على امير سرق تاج ديال لملك ورماه في البحر ومشكل ديالو انو خاصو رغمة ذلك يتبت البرائة ديالو بلا مايقول ليهم انو كان مضطر يسرقو حقاش هداك تاج مسحور ولا قالها ليهم غادي عائيلتو كاملة تمسخ ..ملقاش كيفاش يشرح ليهم بلا مايخبرهم سرهوما شدوه  وسجنوه وبقا مدة تفكر كيفاش يدير تستسلم وعرف بان خاص عائيلتو لتعرف بلا ما يخبرها هو ..ودازوقت عاد لكبير في خوتو جا من بعد ما كان في شي حرب وقالوها ليه وقال ليهم ان اخر واحد يكون سراق هو هاد امير وانو ديما كان اول واحد تيضحي من اجل لعائيلة .. وخبرهم انو لو كان باغي يسرق كون فرغ الخزينة ديال المملكة وهو عندو مفاتيح ديل كلشي..وخبرهم ان ضروري كين شي سر خلاه يسرق تاج ...مهم عائلة داكات خطأ ديلها وطلقات صراحو ...انا فهم مساج ديال رواية هو مخصناش بزربة نحكم على اش تيديرو اشخاص قبل منفكرو مزيان في اشنو خلاهم يعملو هكداك..بقيت نفكر واش زعمة هو شي حاجة خلاتو يتزوج بيا ..هادي عارفها انا باغا نعرف اشنو هاد حاجة !!

*هو

...من بعد لعشا ولعتدار ديالها مني مشت بالكو وجلست نفكر في هاد ليلة...وهاد شي كامل...معرفتش لاش مرة تتجيني هي بنت ضعيفة وخاصها لي وقف جنبها وشي ايام تتجيني قاصحة بزاف..حاجة لعرفت ان قلبها بيض ..ماشي ساهل وحدة تنازل على شحال من حاجة غير باش تعتدر ..

بقلم ايمانو ايمان#هي_هو_و_30_يوم 

#الحلقة_19

السبت 28 شتنبر

 اليوم العاشر

الساعة 13.30.

*هي

...فقت صباح لقيتو مخلي ليا فطور كيف ديما ..فطرت وجمعت دار ودرت حاجة خفيفة لغدا قلت نتغدا ونخلي ليه ..شوي دخل لدار ومعمر تقدية .. سلم عليا وقال ليا را معشين عندنا وليدة ليوم وماماك وخوتاتك ...صافي وهو جو تقلب وجاتني تعصيبة ..انا اصلا متنعرفش نطيب ..مشيت بيت نعاس مقلت ليه والو ونعست ...

الساعة 17.35

..محسيتش براسي بقيت ناعسة ..فقت قلت نشوف اش ندير في هاد الحصلة ..لقيتو في كوزينا تيضارب ..انا معرفت كيف نعونو بقيت في بلاستي ..شاف فيا وبتاسم ..زاد صدمني هادي اول مرة يضحك في وجهي بهاد طريقة وهاد ضحكة ..وقال ليا هزي هادي ديريها في فران ..شدي ادي..ها كيفاش تنديرو لهادي...مهم بقى يعلم فيا وانا عمري عرفت كيفاش نحمر دجاجة ولا نطيب شي حاجة مزيان انا حدي مقرونيا وكفتة وتاهوما غير تنخربق فيهم...مهم هو طيب وهو بغى يحسسني باي طريقة اني طيبت معاه وعونتو ...

الساعة 20.00

*هو

...بقيت في كوزينة ان واحلام معونين تسلينا بزز ...انا عارفها متتعرفش طيب مهم عندي هو انها بغات تعوني ووقفات معايا ..من بعد مدة جات ماماها وخوتاتها يلا جلسو شوي وهي تجي لوليدة... جلسنا مجموعين وبقينا نضحكو معا تعاويد ديل وليدة ومامات احلام وكل وحدة تتعاود على راسها فاش كانت صغيرة وانا عيني غير في احلام تنشوف فيها ضاحكة وفرحانة ....باخص لقالت شي حاجة عليا في صغري وبدات هي ضحك...شوي مشيت نحط لعشا شفت في احلام تبعاتني ..قادينا كلشي مزيان وتعشينا ..وعين احلام مرة مرة تتبقا تشوف في وليدة بحال خايفة لميعجبهاش...

*هي

...من بعد مجات ماما وخوتاتي وماما يوسف وضحكنا مجموعين ورتاحيت من بعد ما كنت موحشة ماما بزاف..حطينة لعشا وخيفة ليمعجبهمش ولا تعرفني ماماه راني ممطيباهش اما ماما را عارفاني ...غير مع سلينا ماماه سولات شكون طيب هاد لعشا لغزال وتتشوف فيا انا تصدمت ...تقال يوسف تبارك الله على احلام لطيباتو وبصحتكم ..عتقني من بعد كنت غادية نتحرج ...فاش سالينا كلشي جمعنا طبلا وماما عونتني وتبعاتني لكوزينا وجات عنقاتني بجهد وقالت ليا بنتي مبروك عليك راجل ...شوي هو مشا اوصل ماماه لمبغاتش تبات وماما وخوتاتي مشاو تاهوما وانا بقيت جالسة نتسنى فيه ومعرفتش لاش خيفة وتنبغي نسوني ليه نسولو فين وصل وتنتردد...

الساعة 23.00

*هو

...مشيت وصلت وليدة ورجعت دار ..مع دخلة لقيت احلام جالسة على غير عادتها ...مع شافتني جات عنقاتني وقالت ليا شكرا بزاف صافي وحنات راسها ومشات بيت ...

بقلم ايمانو ايمان#هي_هو_و_30_يوم 

#الحلقة_20

الاحد 29 شتنبر

 اليوم 11

الساعة 6.00

*هي

..مع حسيت بريفاي ديال يوسف تيسوني فقت ومشيت نيشان كوزينا ..جا يوسف قال سلام عرفني باغا ندير فطور مشا ...غير دوش لقا فطور  واجد فطرنا بجوج بلا هضرة ..بقييت متبتة فيه شوفة غير هز عينو فيا قلت ليه واش ممكن تخليني نمشي ندوز هاد نهار في دارنا ..هو ضحك وقال ليا ..-آه ماشي مشكيل وفينما بغيتي تمشي داركم ماشي مهم تاخدي شواري غير علميني وسيري را داركم هديك..قالها بطريقة حنينة وهو مبتسم وناض تجمع في طبلة ...انا نضت بزربة نعونو ..هو يقول ليا -شكون غادي يوصلك ...قلت ليه نشد طاكسي ...-صافي نوصلك نيت تانا باغي نخرج هاد صباح..

*هو

الساعة 9.50

...شديت طريق باش نوصل احلام دارهم .. قلت ضروري ندوزو لمارشي تشري شي حاجة متدخلش هكاك وانا ندير صواب ..ونيت نتقداو شي حويج لدار ناقصين ..تنتقداو وواحد فينا متدوي مع تاني ...سلينا تقدية مع خرجة ديال لمارشي تلقاتنا مرة و بنتها صغيرة باغين صداقة ..هي ضحكات ليهم في وجوهم و عطات لمرة شي حاجة وتحنات باست البنت صغيرة ...بهاد لمنظر زادت دخلات لخاطري ...مهم وصلتها لدار ..وسولتها..-نرجع نديك في العشية ولا باغا تباتي ..-..معرفتش را نقدر نبات ..واش مغديش دخل معايا ...قلت ليها لا عندي شي شغل صافي ومشيت وانا غير بغيتها دوز نهارها مع عائلتها بوحدها...

*هي

الساعة 17.35

...انا حسيت براسي بديت نتقرب من يوسف وحسيت براسي ضلمتو ..انا فكرت نجي لدارنا غير باش نجمع افكاري ونعرف اش تندير و نهضر مع بابا لشحال مجمعت معاه ...تيلي تيسوني ...هادي نورة صحبتي ...-الو الزفتة حلي انا حدا باب ...انا لي قلت ليها تجي باش نعود ليها ونفش قلبي....جلسات معايا وبديت نحكي ليها اش دار معايا وكيفاش تعاملني..غير قلت ليها را مزال ما قاسني وهي تحل فمها..بدات تقول ليا انتي باقا بنت ..واش هو لمبغاش ولا انتي...انا بنفسي معرفاش شكون لمباغيش انا ولا هو ..بقات تالخر وقالت ليا..-.. را عمري سمعتك تتهضري على شي ولد هاكدا تا من المهندس عمرك دويتي عليه بطريقة بحال باغا تبغيه ولا بديتي تبغيه تنظن باباك ختارو ليك تعرفو ولد ناس..

الساعة 21.55

..جا بابا لدار خليتو ترتاح وتعشى ومشى جلس في جردة وانا نمشي نجلس حداه ...عنقتو وبستو وبديت نضحك معاه كيفما موالفة ...هو شافني هكدا بدا يضحك ويهر فيا وي عنق فيا...شوي سولني كيف غادية مع زواج وهادي اول مرة سولني فيها هاد سؤال ...انا قلت ليه بضحك..- مزال يلا تنولف ...هو ضحك وسكت وقال ليا بصوت منخفض بنتي راجلك ولد ناس وانا متأكد غادي يعيشك عيشا لي تتمناي غير عطيه شوي وقت وغادية تبغيه ...انا تبسمت ووجهي ولا حمر وهو بدا تضحك وبدا تهر فيا تقول ليا بديتي تبغيه الحرامية وبدلتي باباك ...

الساعة 00.10

...شديت بلاستي نعس مبغى يديني نعاس باقا تنفكر في هضرة نورة و بابا و احدات كاملين ومرة مرة نهز تيلي نبغي نسوني ليوسف نسول عليه وتنبق نشوف في نمرتو ونرجع نحط تيلي..بقيت هاكا تنعست

*هو

...معرفتش لاش نعاس مبغاشي يجيني ونهار كامل تنتسنى تسوني ليا احلام تقول ليا جي ديني...كل مرة نبغي نسوني ليها تنرجع نقول بلاش..حاس شي حاجة ناقصاني...

بقلم ايمانو ايمان#هي_هو_و_30_يوم 

#الحلقة_21

الاثنين 30 شتنبر

 اليوم 12

الساعة 6.30

*هي

...فقت يلاه نتقاد ونوجد نمشي الخدمة.. لبست وتقاديت وفطرت مع بابا وماما  ضاحكين ... ولكن وجه بابا تيبان ليا ماشي تلهيه ...فطرنا وقلت بابا لعندك وقت توصلني لخدمة ...طريق كاملة وبابا تيسول فيا على لخدمة و قال ليا باقا منوياش تخدمي عند باباك وتضحك ...شوي قال ليا عندي معاك شي هضرة حبيبتي ولكن ماشي دابا خلي تال لغدا ونتعشاو بجوج ونقولها لك..انا خوفني بطريقة لقالها ليا بيها ومعرفتش لاش تالغدا لاش منتعشوش بجوج ليوم..سولتو لاش ليوم لا قال ليا ليوم لا مشغول بشي حاجة ...مهم وصلني لخدمة ومشا ...انا مع دخلة بدا كلشي يبارك ليا زواج ولبنات يسول فيا كيف جاتك حياتك جديدة وفين دوزتي هاد 10 ايام ديال كونجي وانا ضاحكة من غير خاطري ومعرفاش اش نقول ...

الساعة 11.25

*هو 

...مع البوست جديد لي وليت فيه مني المدير وولات مسؤولياتي كبيرة ...مبقيتش نقد نحك راسي وليت مرة انا في شركة نعون في خدمتي لقديمة مرة انا في شي شركة دير خدمة الكومرسيال مرة انا خدام في شي حاجة ومدير خدمة انجينيور مرة نعون في شريان ديال سلعة..رغم اني مموالفش على هاد الخدمة كاملة وعلى لهضرة مع بنادم...ولكن معرفتش لقيت راحتي باخص ان كل نهار تنستافد حاجة جديدة..وحاس براسي نقد نعطي بزاف  للشركة .. ..-يوسف ..يوسف...هادي هدى لمبقيتش نهدر معاها بزاف قليل لا لقاتنا صدفة .....-يوسف توحشتك ..وليتي تغبر عليا ....جا معاك زواج...عود ليا واش تفاهمتي مع لمدام ..!!..انا جاتني ضحكة مع بانت ليا فرحانة بزاف وقلت ليها لي كين وفاش قلت ليها را مزال منعسناش بجوج تعجبت وبدات تضحك تتقول ليا معندكش خبرة معارفش اش دير ..شوف عرض عليها لعشا وخرجها وساريها وخليها ترتاح ليك متبقاش تسنى لوقت هي لتقربكم عطيها فرصة وتقرب منها را انا متأكة غادي تعجبها كيفما كنتي تتعجب شي ناس ومعبرتيهمش هههه...يوسف مقولتيش ليا مبروك...هههه...را جاو فيا الخطاب وهاد مرة وافقت...عنداك تفضحني راني ماقلتها لتواحد ....خطبني واحد خدام في...معرفتش مين جاب نمرتي وهدر معايا وقال ليا را كنت نشوفك من شحال ومزعمتش نجي عندك...بقينا هادرين شي ايام تا قال ليا را ناوي لحلال وجا لدار وسيمانة ماجية يكون هاد شي رسمي...شتي غير تزوجتي والله يسر ليا في راجل ..ههه كنتي واقف في طريقهم ههه....انا فرحت ليها بزاف وهي تستاهل ولد الناس لي يفهمها را عمرو يلقا حسن منها بنت زوينة وصبارة ومن اهم هاد شي ضحوكية ..

الساعة 13.00

..مشيت لدار باش نتغدى ومع دخلة لقيت احلام كينة في دار ومزال تاهي بحويج لخروج وجيبة بيتزا وديرة العاصير ومقادة طبلة ...كيف العادة تغدينا ساكتين وانا باغي غير كيفاش نجبدها  بالهضرة...سلينا الغدى وبديت نجمع في طبلة وانا همي غير نتقرب منها ولكن هي ديما لاقيا كيف تبعد مني ...شوي عطاتني بظهرها وبدات تغسل كيسان في الكوزينة وانا قلت ليها ومتنشوفش فيها داير راسي غير باغي شي حاجة من ثلاجة ..-.ليوم را حنا معشين برة بجوج ...صافي وخرجت هزيت كرطابل ديالي ومشيت رغم اني معرفتش واش سمعاتني ولا لا ولا هي موفقة ولا رافضة ...

* هي

...جيت من الخدمة ودزت من طريق شريت بيتزا ليا وليوسف ولحليب ..قلت نتغدى معاه ونتقرب منو وندير بهضرة نورة وبابا...غير جلسنا بجوج بقيت تنتسنى فيه يقول شي حاجة ومقال والو انا مقديتش نبدا الهضرة تنشوف فيه تيبان ليا تيخمم في شي حاجة بحال مكينش في هاد دنيا ...شوي بدا يجمع في طبلة انا قلت نعونو..ومن غير العادة بان بحال باغي يقرب مني فينما مشيت يتبعني وشي 3 مرات يجي يهز كاس ويجي روبيني في كوزينة حدايا وي يشرب الما ..انا جاتني ضحكة ..هو يقرب و انا نبعد .. شوي بانت ليه في ثلاجة دخل راسو فيها وبقا معرت علاش تيقلب ..صافي وهو يسدها وقال ليا بطريقة مفاجئة وبلا مقدمات ..-..ليوم را حنا معشين برا ...وحنا راسو وخرج....ان تصدمت معرفت منقول معرفت باش نجاوبو ...شداتني خلعة معرفتش واش اني مبغاش ولا متشوقة ....

بقلم ايمانو ايمان#هي_هو_و_30_يوم 

#الحلقة_22

الاثنين 30 شتنبر

 اليوم 12

الساعة 19.35

*هي

...مخدمتش بخاطري هاد العشية لوقت كامل وانا نفكر في الخرجة لمحاساش براسي مستعدة ليها..بقيت متردة شوي هزت تيلي وكتبت ليه مساج فيه موافقة..مقديتش نسيفطو..بقيت تغمضت عيني وسيفتو...مع خرجت شديت طاكسي مباشرة لدار ..لقيتو باقي مجاش وبديت نزرب نتقاد ونفلب اش نلبس ونفكر وتنقول نعيط نورة تعوني وتنفكر رانا في دار راجلي اويلي اش هاد تلفة ..اصلا عمري فكرت ندير مجهود نبان ليه زوينة ولا مقادة ..يكما بديت نهتم بيه!!..مهم دوشت وصيبت شعري بزربة ولبست وهو مزال مجاش ..يلاه بديت ندير في مكياج وانا نسمع باب تحل هاهو جا..

*هو

..بقيت نتسنى غير هاد العشية دوز ..لوقت بحال وقف ولخدمة كترات..ومعارفش واش هي وافقت ولا لا..تجاني مساج من عندها فيه موافقة لقرتو 100 مرة وممتيقش....مشيت دار معطل ..دخلت دار بجري مشيت لبيت نعاس هزيت حويجي ومشفتش فيها قلت را مقلقة اني تعطلت ...مهم دوشت ولبست بزربة ...

الساعة 21.15

...خرجنا بطموبيل وانا مقادش نوقف فيها شوفة ..معرفتش لاش كل نهار تجيني زين من لي قبلو وتتجيني بحال اول مرة نشوفها فيه...مهم ديتها لوحد ريسطو كنت نمشي نجلس نتعشا فيها راسي وتيعجبني لماكلة وسيرفيس فيه...

*هي

... وصلنا ريسطو دخلنا جلسنا وجا واحد سرباي وسلم عليه وسولو فين غبر وقال ليه مرحبا ..مهم عرفت بلا راه مولف يجلس في هاد ريسطو ..شوي شاف فيا وضحك وربع يدو قدامو وقال ليا كيف غادية مع الخدمة ..نانا قلت ليه صافا غادية مزيان وسكت وسكت تاهو ...جابو لينا لعشا تعشينا بسكات بحال الا مخاصمين ..ولكن هادي فرصتي نعرفو مزيان ونستغل الفرصة ونسولو على كل ما في بالي.. ومحيرني...غير خوات طبلة قلت لبنت لي كانت مكلفة بينا ولي ملي جلسنا مبغاتش تحيد عينها من يوسف تعصباتني ..قلت ليه يلا نمشيو باراكا ...هو مزادش معايا الهدرة ....من بعد العشا مشينا لكورنيش وعرض عليا نجلسو في كافي تماك...غير جلسنا زعمت وقلت نبدا معاه الهدرة ...سولتوتا انا كيف دير مع الخدمة و كتتجيه خدمة معا بابا ...مهم بقينا تطلقنا في الهدرة ... رغم ان الهدرة سطحية مكنتش متوقعاه هكدا في هضرتو جاني عارف يجاوب على كل سؤال وعارف يتحاور وانا كنت تنظنو سكوتي وقليل زعامة ...وفاش هضرت معاه على خدمتي لقيتو فاهم كلشي لدرجة جاني بحال قاريها .. معرفتش حسيت بحال هادرة مع شي صديق وزعمت بزاف فاش لقيت نيفو ديالو طالع وعجبني انو ماشي من نوع لي تبغي يبين راسو وفاش قال ليا را عندو غير ايجازة صدمني..وقال ليا بليتو انو تقرا كتوبة بزاف لدرجة شي ايام كان يبقى نهار تقرا بلا مياكل شي حاجة ...فجأة جاني تحاور معاه ساهل بزاف..بقيت نزعم نسول فيه تا قلت نصارحو اني دخلت وقلبت كراطن لي خازن في لبيت لي فيه المكتبة ...قلت ليه ..-يوسف ممكن نصارحك..راني دخلت لبيت...بصدفة وشفت تصاورك صغير وقريت شي حاجة كاتبها وبغيت تشرحها ليا ..وقلت ليه اش تتعني انك غادي تكمل حياتك سوىبوحدك سوا انك مجنون...وندمت تسولت وجهو تبدل وحنا راسو وبقا ساكت ...شاف فيا ضاحك من غير خاطرو وشاف في مكانة وقال ليا تعطلنا را 23.50 دابا يلا نمشيو ..حسيت براسي جرحتو بالحزن لبان ليا في عينيه ..وكان خاصني نتوقع هكدا وانا فينما كنت نسولو على شي حاجة شخصية تتقل وي جاوب جواب سطحي..في طريقنا طموبيل معرفت منقول هو بدا هاضر بحال بغا ينسيني في سؤال وبين فيه هادر من غير خاطرو ... ركبنا في طموبيل وهو يشعل اديو وسكت ...هو عمرو شعل راديو ...فهمت انو مبغاش يهدر صافي انا سكت ...

بقلم ايمانو ايمان#هي_هو_و_30_يوم 

#الحلقة_23

التلاتاء 1 اكتوبر

 اليوم 13

الساعة 00.40

*هو

...في الحقيقة لخرجة دازت زوينة بزاف وعجبني الحال فاش جلسنا وتناقشنا وحسيت بلا احلا رتاحت ليا ..مكنتش متوقع انها هكدا كانت تتبان ليا سطحية..وباخص فاش عرفت ان شغف ديالها تقرى كتوبة وان عندها طموح ..ولكن رجعت دار خاطري مهزوز من بعد مسولاتني على هاديك لجملة لقرات ..معرفتش باش نجاوبها باخص انها فكراتني في شي حويج من الماضي.. باغي غير نعس دابا باش منبقاش نفكر ...

*هي

...طريق كاملة وانا نفكر كيف نسيه في سؤال عرفت راسي تصرعت ..دخلنا دار قلت نطلب منو ينعس حدايا هاد ليلة..ولكن معطانيش فرصة ..دخل لدار وقال ليا تصبحي على خير ومشا لصالون...حطيت راسي مبغاش يديني نعاس بقيت نفكر في يوسف..قلت نفيق ونمشي نعس معاه في صالون ...مشيت مبانش ليا ناعس في بلاصتو عرفت غاديا لقاه في بالكو..مشيت نطل لقيتو جالس تماك قربت لقيتو حاني راسو وتيبكي ...معرفت اش ندير واش نرجع بلاستي ولا اشنو ..مشيت جلست حداه في الارض وشديت ليه في ايدو وعنقتو ..ومخلوعة...شوي بدا هادر وتحكي ليا ..ان حياتو عمرها كانت ساهلة ..وكيفاش عانا هو وماماه فاش مات باباه وكيفاش ان حقد على دنيا من بعد موقف معاهم تواحد وكيفاش كان كل ليلة تنعس وهو تيقفقف بجوع ولخلعة وكيفاش انو في صغرو خرج زنقة يبيع اي حاجة وشحال من مرة سمح في قرايتو وماماه رجعاتو بزز...انو كان تيشوف ماماه تتعاني وشحال من واحد بغا يستغل ضروف ديالهم باش يوصل لماماه لكانت باقا صغيرة ..وانو بنفسو تعرض لمحاولات اغتصاب وتحرش وانو مرة تعرض لتعديب من طرف واحد لشدو بزز وحرقو فظهرو وهرب منو بزز...وانو فكرشحال من مرة ينتاحر ولكن خوفو على مامه هو لخلاه يصبر ..هاد شي لخلاه ديما تتوقع راسو اما غادي يتصطى ولا غادي يهرب شي بلاصة...وان حياتو متبدلات تتزوجات ماماه براجل ولد ناس لدارو بحال ولدو... وهاد شي كامل ودموعو موقفوش  ولي انا بدوري مقديتش نصبر وبديت نبكي معاه ...انا لمعانيتش في حياتي وكنت نتشكى وكنت نفتاخر براسي اني قريت ووصلت راسي...مهم عود ليا كلشي على حياتو وفي اخير قال ليا..-..احلام راكي متستهليش واحد بحالي وانا ماشي ديال واحدة بحالك سمحي ليا لدخلت ليك في حياتك...انا عنقتو بجهد وجريتو عندي ....من بعد ناض بلاستو ينعس و انا نعست معاه في صالون وتنبكي بلا حس و بقيت مرة مرة نفيق نطمئن عليه.. 

الساعة 7.00

...فقت ملقيتوش في بلاستو طليت في مكانة لقيتها 7.05 نري راني معطلة وراسي قيل عليا ...لقت فطور واجد شربك كاس حليب ..ولبست مزروبة وعيني صابحين منفوخين ...تا بغيت نخرج وهو يبان ليا بيت لي فيه مكتبة محلول كامل ..وفهمت ان هو لي خلاه بمعنى ان ليا لحرية ندخل ليه...بغيت نصوني ليه قلت خليه بخاطرو منبرزطوش..

*هو

..جاتني فيقة في صباح واخا منعستش مزيان قلت نفيق نتمشى شوي قبل ماوصل وقت الخدمة ..وبديت نفكر اني خاصني نفرق احلام را منستهلهاش ..مكانش عليا نوافق على زواج..حسيت براسي غير برزتها معايا وعمري غادي نعرف نتعامل معاها ولا هي تعرف تعامل معايا...معرفتش كيف نقولها لمدير ولا ليها ...وبديت نفكر ان لا مات لمدير غادي نفرقها ..

بقلم ايمانو ايمان#هي_هو_و_30_يوم 

#الحلقة_24

الجمعة 4 اكتوبر

 اليوم 16

الساعة 10.15

*هي

...فيقة بزز مقداش نفرق فراشي ..بيتا بوحدي وخاطري مزير يومين مهضر معايا يوسف ولا هز فيا عينيه من نهار عود ليا حياتو ...معرفتش مالو مبقاش قاد تيبتسم ليا كيف عادتو ..لبارح مباتش في الدار عندو شي خدمة خارج المدينة وانا نعست في بلاصتو في صالون وتنفكر غير فيه وفي اشنو درت تخلاه يولي يتهرب مني وانا مزال مزعمت نسوني عليه في تيلي ...معرفت لمن نعود هاد شي وشكون يفهني اش كين ..قلت نسوني لبابا لتاهو ولا مشغول بزاف ومزال مبرزطاني هضرتو وانو قال ليا بغا يقول ليا شي حاجة وتراجع ...دوشت وفطرت وقلت نستغل هاد نهار في شي حاجة من بعد متغيبت من الخدمة بحجة لمرض وانا غير مبقا عندي خاطر ليها ...قلت نرتب لمكتبة ونظفها ونعملها ليوسف مفاجئة...دخلت لمكتبة بديت نقاد فيها ونرتب في كتوبة وانا متعجبة لهاد اكتوبة كاملين و لكل كتاب متميز على تاني وان ريوايات قلال اغلبية الكتب علمية و تاريخية و كتوبة معروفة و بي لغات مختلفة ..عربية..فرنسية...انجليزية..اسبانية.. وكتب تعلم لغات كتار ..بديت نقلب في كراطن تنلقا كتوبة لبينة مزال جديدة قلت نجمعها في بلاصة بوحدها .. شدني فضول قلت نرجع نقلب كرطونة لي لقيت فيها تصاورو ...هاد مرة قلبت بخاطري ..جلست في ارض وحطيت البومات ديال تصاور و دفاتر ...بديت نقلب بتصويرة ... تنشوفو وهو صغير كيف كان وتنلقا شي تصاور لتتبين لمعناة لكان يعاني ..تصاور ايام لقراية وحويجو حالتهم وصحابو معاه لابسين مزيان ورغم دلك تيبان فرحان كتر منهم ..تصاور ايام تخرج ..انا تندور في تصاور وتنبكي...لقيت تصاور ديال سفر ديالو لتبان فيهم مختلف...بقيت تشفت تصاورو كاملين....بانت كرطونة اخرى قلبتها لقيت فيها شهدات ونتائج ونقاط ديال قراية...شي وحدين نتائج عالية بزاف وشي وحدين متوسطة وهادي جاتني غريبة ولد عام يكون هو اول وعام تاني لعكس ..لقيتو محتافض على شي توصيات مت اساتدة كاتبينها عليه وتشكرو فيه وتاكد لام ديالو انهم مكفلين بمصاريف تعليم ديالو ..شي وحدين فيهم دعوة لمخيمات صيفية ولعجيب ملقيت تتصويرة ليه في مخيم ...لقيت رسالة شكر ليه من جمعية ديال رعاية اطفال..لقيت بزاف.حويج لي عطوني فكرة عليه وعلى معاناة ديالو وكيفاش كافح ....صافي سليت جميع مكتبة وقاديت كلشي ..

الساعة 15.20

..عييت ...سيقت وفرشت دار ...ولا يبان ليا غير نعس نرتاح شوي راني ممولفاش هاد تمارة راني معرفاش تكيفاش وليت هكدا ..معرفتش لاش بديت نحس بمسؤولية تجاه يوسف ودار لقلت مغدياش نقد نعيش فيها .ولي بزربة بديت نحس بحال كنت ساكنة  فيها من صغري.... تيلي تيسوني مشيت بجري نجاوب وفي بالي غير يوسف...هادي نورة...-..الو صحبتي فين غبورك ...تزوجتي ونسيتي صحبتك صافي....بغيت نشوفك ندوز عندك لخدمة...اوكي انا نجي لدار ...صافي المجوعفة نجيب ليك بيتزا ..بسلامة..

الساعة 16.43

..من بعد ما جات عندي نورة ونساتني وعودت ليها لي واقع ليا مع يوسف وفشيت قلبي ..قتارحات عليا نخرجو بجوج تاني وهاد لمرة انا لنعرض عليه ...

الساعة 21.40

...لباب تتحل بساروت يوسف هادا...نضت مزروبة من حدا تيلفازة ومشوقة نشوفو ..مع دخل  باين فيه لعيا شاف فيا ابتاسم ولكن بحال من غير خاطرو ..قال سلام اش خبارك صافا ..صافي قلت ليه صافى وحنا راسو ..سولتو واش معشي و لا نطيب ليه شي حاجة ...قال ليا صافي بلا متمحني راسك ...ومشا بدل حويجو ونعس ...مكرهتش في هاد لحظة نهز حويجي ونمشي فحالي ...صافي مصبرتش مشيت سديت عليا البيت وجمعت حوايجي وقلت هادي ليلة لاخرة ليا هنا ... 

بقلم ايمانو ايمان#هي_هو_و_30_يوم 

#الحلقة_25

السبت 5 اكتوبر

 اليوم 17

الساعة 14.15

*هو

... نهار كمل لخدمة لخدمة لخدمة يلاه جلست نتغدى ..معرفتش لاش جات في بالي احلام و حسيت براسي زدت فيه و هادي مدة مسولتهاش حتى على صحتها ..انا هاد شي ساهل عليا را كل نهار تنعس باغي نفاجر متنكرهش نجمع و نضحك معاها را توحشتها واخا هي ديما معايا في دار ..مزال مشاعير ديالي مرونة جيهتها مرة نبغي نكون معاها و مرة نبغي نتهرب ونقول منستهلهاش .... وفي صراحة انا في داخل ديالي مزير وصبري قلال وباغي  نهضر معها....انا عارفها تتحاول تقرب مني وانا تنبعد...قلت نسول فيها وندير صواب ونحاول منبقاش بعيد بزاف على اقل نحاول نتقرب منها ونعرفها وتعرفني كتر ومنخدش قرار متسرع ...

*هي

... ليوم مقرة نرجع من لخدمة نهز حويجي و نمشي دارنا ونحط وليديا امام الامر لواقع انهم دارو خطأ وزوجوني ... في الحق معرفتش لمن نخلي يوسف وبديت نولفو وعارفا انو من نوع لي صعيب يتفهم كون هضرتو قليلة و ردة فعلو ديما هادءة ولكن انا حاولت.. ووليت خيفة نبغيه ونعيش حياتي كاملة تنعاني ومقدراش نرضيهة ولانخليه يقرب مني ..تيلي تسوني ..هدا مساج..متيقاش طالعة سميت يوسف...بقيت نفكر واش نقراه ولا اشنو واشنو في هاد المساج ...يكما واقعة شي حاجة...المساج: -سلام احلام اش خبارك ؟ واش نتي في خدمة دابا...تنقرا ونعود متيقاش ومعرفتش اش فكرو فيا وقلبي تيضرب بجهد..بقيت شوي وجاوبتو..- سلام ..حمدو لله صافا ..اه انا في الخدمة انت صافا وفينك دابا علاش مجتيش تغدا في دار؟ ..-غير تزيرت بالخدمة وملقيتش لوقت نجي لدار .ياك انتي تغديتي !!....في الحق انا طيبت لغدا وتسنيتو بغيت نجلس معاه ونصارحو ونعرض عليه لعشا ولكن فاش مجاش بقيت نبكي ولحت لغدا كامل بلا منكل منو وقلت نكدب عليه معندو لاش يعرف...- تسينتك تجي كنت ديرة بحسابك ومجيتيش وتغديت ورجعت لخدمة...-..اش بان ليك نخرج من لخدمة وندوز عندك ونخرجو نتعشاو بجوج .... معرفتش لاش تقليقتي تقلبت فرحة متيقاش جات منو وعرض عليا تاني ...-صافي نتسناك انا 5 تلقاني حدا باب شركة ...

الساعة 17.15

...بقيت نتسنى غير وقتاش توصل ل5 ..صبحان الله كيف تبدلات حالتي من بعد مكنت تنتسنا نسالي لخدمة باش نهز حويجي نمشي دارنا وليت نتسنا نساليها باش نكون جنب يوسف ونطمأن عليه ونعرف مالو هاد ايام ...مع خرجة من شركة معا صحباتي ديال خدمة وهي تبان ليا سيارة ديال يوسف مع الفرحة حنيت راسي وبديت مزروبة باش غير نركب حداه ..

*هو

...من بعد ممشيت عندها وركبت حدايا وشفت هاديك لفرحة في وجها وضحكتها عرفت راسي كنت مقصر من حقها بزاف ومكنتش تنضن انها تقدر تفرح هكدا...ملي شفت هاد شي تطلقت وضحكت تاانا وبديت نسول فيها على نهارها و خبارها و واش ولفات خدمتها وهي تتجاوب وتسول فيا تا انا .. 

بقلم ايمانو ايمان#هي_هو_و_30_يوم 

#الحلقة_26

السبت 5 اكتوبر

 اليوم 17

الساعة 18.30

*هو

...هاد لمرة قلت ليها انتي ختاري فين نتعشاو ..وقتارحات نتعشاو في ريسطو خارج لمدينة كان تتمشي معا باباها ليها وتتعجبها..مشينا ليها وجلسنا ولكن هاد لمرة مختلفة على لي سبقات جلسنا وهادرين وضاحكين وحسينا بهداك لقرب ..انا صافي عجبني الحال ولفرحة بينة فيا ..وخا هضرتنا كاملة غير على خدمة وكتوبة و مهضرنا تا في شي حاجة شخصية انا مهم بالنسبة ليا لقيت فيها مشاركاني شحال من حاجة تتعجبني...تعشينى وسالينا ...صافي قلت ليها نمشيو لدار وهي قالت ليا مزال لحال ...وانها عارضة عليا نتفرجو في شي فيلم في سينيما..مشينا سينيما...انا كنت متوقع تختار فيلم رومنسي ..هي ختارت فيلم ديال خلعة وبانت في وجهي دهشيرة...شافت في ضاحكة وقالت ليا يكما تتخاف...دخلنا بدا فيلم ناس تتفرج في الفيلم وانا نتفرج فيها ...الخلعة في وجها والحماس مرة تبتاسم مرة تغوت مخلوعة ..مرة مرة تتشد في يدي وتطلق..مرة تشوف فيا وتقلب وجها في الفيلم ...انا في الصراحة متفرجتش في الفيلم انا لفيلم لهمني دابا هو احلام ..مكنتش نتوقع ان فيها هاد البراءة كاملة ..ولا تتبان لي بحال شي بنت صغيرة خاص لي يرعاها وي فهمها وكل معليا غير نتسناها ضحك... كمل فيلم وهي خارجة وتتعود ليا احدات وتسولني كيف جاتك هاد اللقطة ..واش شفتي فاش خرج وناس خافت انا في الحق مخفتش ..انا غير تنضحك وتتقول ليا واش معجبكش فيلم مالك تضحك عليا ...قلبي تضرب ...هاد احساس غريب عليا.

الساعة 23.50

...بدينا مشين وهي تقول ليا معرفتش مزال مرشقاش ليا نمشي لدار وشدني جوع تاني ...اجي ناكلو شي حاجة...مشينا لسناك ..خدنا بنينيات وقالت ليا ناكلوهم في البارك...مشينا جلسنا وهي تبدا تاكل عادي ومزال كل مرة تجبد ليا حاجة من الفيلم وهاضرة وتتاكل وعرفتها نسات راسها مسوقيش انا مبغيتش هاد شي يسالي ...بغيتها تبقا هاضرة را عمري توقعت فيها الهضرة كاملة...هي محساتش كالت بنيني ديالها ونص من ديالي...فاش سالات بدات تضحك وتتقول ليا صافي هضرت بزاف وتا غير تضحك ههه هي قالتها وضاحكة....بدينا مشين تاني ...انا صافي صبري تقادا باغي نشدها من ايدها ولا نعنقها ...غير مصبر راسي وزعامتي قليلة...بديت نسمع لهضرة ورانا ..-خويا كمال وفورمة عندك...-وياه خويا فورما هي والله يعطينا زهرك وخويا هشام ...وهضرة كتيرة واحلام قربات ليا وعرفتها خافت انا محسيتش..ضرت لور لقيت واحد جوج ووقفت وشديت احلام وقلت خليهم يسبقونا ...معا دازو بداو يطلعو ونزلو في احلام مصبرتش ..مشيت شنقت على واحد فيهم وقلت ليه مزال تزيد فيها شي شوفة نعمي لك عينيك ودفعتو جا صاحبو بغا يشدني شنقت عليه بغيت نضربو وجاو شي رجال فرقونا.....بدينا غادين طموبيل ..واحلام شداتني من ايدي ومخلوعة...انا ضحكت ليها في وجها وقلت ليها متخفيش را موقع والو....وركبنا في طموبيل ومشينا لدار...

الساعة 1.30

...مشينا لدار انا مشيت بلاصيت طموبيل ودخلت لدار ..لقيت احلام لبسات بيجامة ديالها وانا مشيت عندها وباقي فيا لغديد وسولتها كيف بقات وطلبت منها تسمح ليا على عصبيتي ..هي بدات تضحك وقالت ليا كنت نصحابك ديما مكالمي ولكن صدقتي قبيح وقالت ليا صافي نسا را عادي وطلبت مني هي نسمح ليها وان هي لخلاتنا نبقاو خرجين معطلين ... انا ضحكت ورتاحيت ومشيت نبدل حويجي...يتبع

بقلم ايمانو ايمان#هي_هو_و_30_يوم 

#الحلقة_27-+18

الاحد 6 اكتوبر

 اليوم 18

الساعة 2.0

*هي

...من بعد مادوزنا خرجة زوينة وعجباتني من اولها حتى اخرها ...كنت فرحانة وناشطة بزاف وكان مهم بالنسبة ليا نرجع نهضر مع يوسف وليت حاسة كينة شي حاجة جادباني ليه بزاف .....يوسف بالنبة ليه راني تقلقت عليه من بعد ما تشاد مع هادوك لولاد ولكن انا حاسة لعكس فرحت فاش عرفتو غار عليا ..صارحة انا هاد ليلة راغبة فيه وباغاه ينعس حدايا وبغيت نولي لمرة ديالو باغاه ومستعدة نصبر ونتقاتل باش نرضيه...معرفتش عمري تعاملت مع شي واحد بهاد لعفوية ومخفتش منو حتى ليوم ...محتجاه يفهمني وي نعس حدايا ...مشيت قلت نجلس معاه ونقول ليه يمن تنعس حدايا لبغيتي...لقيتو كيف العادة جالس في البالكو قلت ليه مجانيش نعاس ممكن نجلس معاك وجلست...قال ليا مستعجب..-..كنت ناوية تمشي شي بلاصة ....را شفتك جامعة حويجك ..مقدرتش نصبر وسولتك ... بقيت ساكتة معرفت منقول ليه ..-احلام انا عارف راسي غلطت في حقك هاد سيمانة سمحي ليا بزاف ...كلمت سمحي ليا هي لي كانت ناقصاني نسمع واخا انا مكنتش مقلقة منو انا عرفتو وفهمتو كيف دير ...رتاحيت في نفسي ...وزدت رغبت فيه...قلت ليه انا اصلا عمري كنت مقلقة منك وماشي ساهل تفك مني ..شاف فيا وضحك وبلا منحس بستو في حنكو..وحشمت حنيت راسي ..وهو بقا مدار حتى ردة فعل..مع بغيت نشوف فيه تاني تحسيت شفيفو في شفيفي..باسني من فمي وبعد...  انا وقفت وفي خاطري تنتمنى يشدني من ايدي ويعنقني....ولكن مدرهاش وانا تقلت في المشية صافي توصلت لبيت نعاس بغيت ندخل وانا نحس بيه عنقني من لور وحط يدو على كرشي و باس ليا عنقي...لبوسة زادت من سخونة ورغبة ديالي..دورني عندو وحط ايد في عنقي وايد جنب كرشي وزيرني على لحيط وباسني بوسة كبيرة في فمي ..(وبدا تحرك في ايدو ويتلمس ليا في جنابي وطلع فيها وي نزل ..انا ترخيت ووليت باغاه يزيد كتر وحطيت ايدي بجوج في ظهرو وزيرتو عندي ..حسيت بي ديالو فوق ديالي ...حسيت بالما نازل من ديالي وحسيت برغبة اني باغا شي حاجة تقيسني تماك بديت نزيرو عندي واحتكاك تيزيد كتر وهو تيبوس في فمي وحناكي وتياكل في عنقي احححح بغيتو ي..ني..حيد ليا لفوق ديال بيجاما وخلاني لابسة غير سوتينات ودار ايدو في فخادي وبدا يتلمس ليهم وي شدني منهم ودوز ايدو لور وشدها وزير عليها وبدا يبوس بين  صدري احححح انا صافي مبقيتش حاسة تا حاجة في جسمي من غير بوساتو وايديه تتلمسو ليا ...شوي بدا يدوز ايدو فوق ديالي ...احححح مرة مرة تنبعد ليه ايدو ونتمنى يقيسو تاني وتيقسو ونبدا نتلوى في بلاصتي ...محسيتش تلقيت سوتينات مشاو وبقيت معريا من فوق..وهومعري من لفوق ..عنقني وجا صدري على صدرو وحسيت بالحارارة ديالو في جسمي كامل..مشينا ناموسيا ..ونعست على ظهري وجا فوق مني ودخل بين رجلي وبدا يبوس وي رضع في بزازلي ويشد فيهم بيدو اححح انا بديت ندير في اصوات ونتنهد  وزدت فكيت رجلي ومرة مرة نطلع باش نحك ديالي بديالو لحاسة بيه واقف وراس ديالو تقيسني...اححح بغيتو فيا لداخل ...بدا نازل تيبوس في كرشي ...تنزل تحت وهو هز لي رجلي وحيد شورط ديال بجاما وسليب تحت وحيد هو شورط لي كان لابس وانا فضولي مهنانيش بغيت نشوف ديالو ...اححححححح واقف كيف لعصا وزوين تشهيت ناكلو ولكن منقدش.. حليت رجلي وخيفة  تنتسنى فيه يدخلو ولكن هو تلاح فوقي وبدا يبوس فيا تاني ولكن احساس مختلف وحنا معرين احححح تنحس ولينا بجوج داخل جسم واحد وتنحس بديالي تياكلني ....بدا نازل وتيبوس فيا كاملة توصل لديالي و باسو اححح  وهو يشد ديالو بيدو وبدا تدوز راسو فوق ديلي و انا تننقز ونشد في نموسيا اححح ..شوي بدا يدخل فيه وتنحس بهيه ومقصحة اححح بشوي احبيبي احححح اححح دخل دخل اححح ...صافي تخرجو بدمو وبدا يبوس فيا وانا مزال لحرقة في ديالي .......)

الساعة 9.00

*هو

...محسيتش بقيت ناعس جنب احلام لي دابا نقدر نقول لات مرتي ديال بصح...عمري نسا في حياتي لخرجة ديال لبارح ولا اش وقع لبارح...هداك احساس عمري حسيت بيه ...فيق وباقي ريحت جسمها فيا كامل وباقي حاس بالحلاوة ديال هاد شي لي وقع ...فقت ملقيتش احلام حدايا ..لقيتها فاقت ودوشت وديرة لفطور...غير تتلاقا عيني بعينها تضحك وتحني راسها ...انا دوشت..ولقيتها مزال مقاست فطور..سولتها قالت بغيت نفطرو مجموعين ..جلتنا نفطرو غير تنشوفو في بعضنا ونضحكو..شوي قلت ليها اش بان لك نخرجو نمييو شي بلاصة ...هي قالت ليا بلاش ندوزو نهار بجوج غير دار..وعجبني اقتراح ديالها...سالينا لفطور..وشيو بدينا نضحكو ونجريو في الدار كل مرة يهرب واحد ويتبعو لاخر...شوي قالت ليا بضحك فاش كنت صغيرة كنت نحلم نكون عارضة ازياء...وهي تقول ليا تسنا هنا ..ومشات بيت نعاس سدات عليها ..خرجات مبدلة حويجها ولابسة كسوة وتتعوج وتمشي وتجي وتقول ليا كيف جيتك ..انا ضحكاتني وبديت نصفق ...بقات كل مرة تبدل وتخرج وانا نقول ليها شحال من 10 ومرة مرة نضحك عليها...شوي خرجات لابسة كولون مزير وتي شورت سماطي وفورمتها بانت مزيان ...هي تدور في بلاتها وتضحك تتقول ليا كيف جيتك وانا عيني خرجو ..لور مزيرة وكبيرة و مقادة وفخاد عامرو وصدر نصو خارج ..بدات تضحك عليا وانا نضت تابعها في دار وتنقول ليها مديراها بلعاني..انا ناكلك دابا بقيت تشديتها وجبتها الارض وجيت فوقها ودخلت بين رجليها وزيرت ليها ايديها وبديت نبوس فيها وهي تتبغي تقاوم وتتقول ليا راني باقا مقصحة المسطي اححح عندك دير شي فضيحة وحيدت تي شورت ديالي ..وهي تجمد بحال شافت شي حاجة ....

بقلم ايمانو ايمان#هي_هو_و_30_يوم 

#الحلقة_28

الاحد 6 اكتوبر

 اليوم 18

الساعة 11.30

*هي

.. من بعد ما فطرنا وبدينا نضحكو ونلعبو...جا فوق مني وبدا يبوس فيا وهو يحيد تي شورت ديالو شفت لحرقة لي في صدرو تخلعت ..مشفتهاش لبارح يمكن حقاش مكنتش في هاد لعلام وكان ظلام ...و انا نسولو واش هي هادي لحرقة لي قلتي لي عليها ...وفي لحظة ندمت تسولتو وسكت بغيت نبدل موضوع  ..وهو يوقف ووقفني ودارني بين ايدو وقال لي متخافيش سولي كيف بغيتي راها ولات من الماضي ..وضحك وقال ليا واش دابا مكين غدا راني ميت بجوع ...

الساعة 13.00

*هو

...سعادة لحاس بيها مع احلام متوصفش ...جبنا بيتزا وجلسنا حدا بعضياتنا ومرة مرة تقول ليا دوق بيتزا لخديت حسن من ديالك...بديت نحس بدقات قلبي تتزاد بحال اول مرة يكون عندي قلب ..مبقيتش قاد نبعد عيني منها صافي ..سالينا ماكلا .. هي تتجمع في طبلة وتتشوف فيا وضحك ...عمري تصورت لقدر ديالي غادي يهديني شي حاجة تحسسني بالخية من جديد وبهاد طريقة ..مشات كوزينة تبعتها وتنتفرج فها تتغسل لماعن ..بلا محسيت لقيت اس معنقها من ظهرها ومدورها عندي وحاط جبهتي على جبهتها ...وبستها من حناكها ونيفها وجبهتها بشوي وقابلت عايني بعينها وبستها من شفيفها لي حاس براسي غادي نولي مدمن عليهم ... هي عنقاتني و ترخات بين ايدي وقالت يوسف اشنو لخلاك تطلب ايدي من عند بابا...

الساعة 14.30

*هي

...كيف العادة فضولي تخليني نسول على شي حوج ماشي في وقتهم..غير سولتو وهو يبعد ومشا بيت نعاس...تبعتو انا وقلت ليه سمح ليا .. وهو جا قصدني وقرب مني بحال بغا يبوسني وشدني من ايدي بجوج  وبطريقة بحال باغي يقول شي سر قال ليا .."بعد المرات لواحد تدفعو لقدر لشي طريق لي هو عمرو توقع يختارها ومهما لواحد قاوم والو لقدر ديما تصيفطو نفس طريق وفي اخر هديك طريق تتكون هي مسلك نجاة ديالو من طرقان اخرين"...احلام انتي هي هاد طريق بالنسبة ليا سوى انا اختريتك ولا لا دابا انتي وسيلة ديال نجاة ديالي...انا هاد شي لي قال جمدني في بلاصتي بديت نحس بدقات قلبي تزادو ...وبديت نحس بدم لتجري في عروقي ..عمري في حياتي كرهت شي واحد قد مكرهتو ..معرفتشلاش هداك كره بديت نحس بيه دابا تبدل كامل لعكس ...محسيتش براسي تعنقتو بجهد بحال شحال مشفتو ... ومكرهتش منطلقوش ...بقينا معانقين مدة بحال تا واحد مبغا يبعد مت تاني...تشويي سمعنا تيلي تيسوني هاد تيلي ديال يوسف..مشا جواب وتنسمعو تيقول غير واخا  واخا ...صافي حنا نجيو دابا...جا عندي لون وجهو مبدل وقال ليا لبسي حويجك را ماماك هادي سونات ليا قالت ليا جيو لدار دابا ...انا قلت ليه..- ماما مالها معندهاش نمرتي يوسف قول ليا واقعة شي حاجة....هو مشافش في وجهي وتقول ليا والو غير لبسي بزربة ...انا تخلعت وتنبكي وهو جا عنقني وتقول ليا ماك مسطيا را ما واقع والو ...كيفاش ما واقع والو وهو عنقني دموعو طاحو...

بلم ايمانو ايمان#هي_هو_و_30_يوم 

#الحلقة_29

الاحد 6 اكتوبر

 اليوم 18

الساعة 16.10

*هو

... شدينا طريق واحلام حدايا والخلعة بينة فيها ومرة مرة تسولني اش واقع وانا تنقول ليها را ما في خباري والو  وهي مرة تسوني لماماها ولا خواتاتها ولا باباها وتا واحد ما تي جاوب و انا بقات فيا الحرقة في فلبي من جيهتها ومعرفتش كيف نقول ليها باباك را صخف وفي إيرجونس دابا ..وصلنا لدار دخلنا لقينا ماماها ولخدامة وراجل ختها  جالسين في صالون وعينين ماماها منفوخين بالبكا مع شوفة لولة احلام بدات تبكي وتغوت ماما ملاك اش واقع..فين هو بابا.. وعنقتها ماماها تتقول ليها ..متخفيش ابنتي را غير صخف را داتو لومبيلونص سبيطار ومشاو معاه خواتاتك ...

الساعة 17.30

..مشينا سبيطار لقينا باباها مدخلينو إرجونس وخوتاتها تتسناو... مع شافتهم مشات تسول مالو ..ماماها جات عنقتها وتتسكت فيها من بعد توحدة مجوبتها شوي بدات تسول على طبيب ...مهم بقينا تماك مدة وتاواحد مقدر يشرح ليها اش واقع تجا طبيب وقال لينا راه فاق ومتخفوش ويوسف يتكلم ليه ...دخلت عندو جلست حداه وبدا يوصي فيا على احلام ودارو ولخدمة وقال ليا ..-يوسف ولدي راك عارف لي كين انتا راك في متابت ولدي وهديتك اعز حاجة عندي في هاد دنيا كاملة  هديتك بنتي وراها امانة بين ايديك ...را قال ليا طبيب خاص ندير لعملية قبل سمانة جاية  وانشاء الله غدا نديرها ومعارفش واش تنجح ولا لا ...مهم في الاخر قال ليا عيط لبنتي احلام ..جات وبغيت نمشي نخليهم بجوج قال ليا غير بقا ...هي دخلات تبكي وتبوس فيه وتقول ليه على سلامتك...وهو خلاها تا سالات وبدا يسول  فيها على راسها ولخدمة وقال ليها واش مهلي فك يوسف وضحك  وهي ضحكات...شدها من ايدها وقال ليها..-بنتي راكي عارفة معزتي عندك تهلاي ديما في راسك وفي راجلك وماماك راها امانة بين إديكم انتي وخوتاتك ..هي فهمات را كينة شي حاجة بدات تبكي وتغوت عليه تتقول ليه بابا واش عندك شي حاجة بابا مالك...قال ليها را عندو عملية  ... ونسبة نجاح ديلها في النص وبدا يبكي وقال ليها انا مبغيتش نقولها لك مبغيتكش ديري في بالك وعارفك كون عرفتها را تمرضي...انا ولو مت غادي نموت هاني ابنتي راني مخليك معا راجل دابا وعارف راسي بززت عليه يتزوج بيك واستغليت مرضي باش يقبل ولكن ملقيتش احسن منو درويش وولد ناس ...هي بدات تبكي وتتقول ليه علاش ابابا خليتينني بعيدا علك علاش ابابا متقولهاش ليا نبقى غير حداك مباغا تا واحد غيرك ...بابا واش باغي تمشي وتسمح في بنتك حبيبتك ابابا ديني معاك ...وتتبكي بزافف..انا خفتها تعمى ولا تمرض ومقدرتش نقرب منها معرفتش علاش...شاف فيا باباها باش نمشي عندها...مشيت عنقتها وقال ليها كلمي خوتاتك ..خرجت معنقها وتتبكي فوق كتافي ...ولكن جاتني بحال معنقها بزز...مهم دخلو خوتاتها وخرجو يبكيو ..مشات عندهم شوي عرفت بلا كانو عارفات راه كان مريض بدات تتقول ليهم كاملين في خباركم ومتافقين عليا وتتبكي ..مشات وقفات راسها شوي خرجات ماماها وقالت ليهم سيرو مع رجلاتكم لديوركم انا نبقا معاه ليوم راه لاباس متخفوش ..احلام تتبكي ولاصقة مبغاتش تمشي حتى قالت ليها را باباك لقالها ليكم ورا ميمكنش يبقاو معاه جوج...

الساعة 23.30

*هي

...راجعين لدار وعيني مبغوش يحبسو من لبكا ...مبقيتش حاملة هاد دنيا ...في هاد اللحظة محاملة تا حاجة و بالاخص يوسف مبقيتش حملتو صافي...هاد شي كامل واقع وانا مفخباري والو ...هاد لمدة كاملة بابا خازن عليا مرضو وفي 

خبار كلشي تا ليا انا...وراجل لتقت فيه عيش معايا وخازنها عليا...حاسة براسي تنكرهو 

بقلم ايمانو ايمان#هي_هو_و_30_يوم 

#الحلقة_30

الاتنين 7 اكتوبر

 اليوم 19

الساعة 00.10

*هو

...وصلنا لدار ومعرفت مندير باش نبرد شوي على احلام .. مع دخلت لدار مشات هي لبيت نعاس ونعسات وبدات تبكي انا مشيت عندها ..وتحنيت على ركابية وقلت نواسيها ..مع حطيت ايدي على كتافها وقلت ليها باركا عليك من لبكا ..وهي دور جيهتي وصرفقاتني وجهي وتتغوت عليا تتقول ليا بعد من حدايا ...سير فحالك لاش جاي عندي ...ووقفات وتدفع فيا وتضرب وتركل وتصرفق...ق..د من حدايا مبغاش نشوف وجهك ... وبدات تهرس اي حاجة جات قدامها ..وبعد لا تزوجتيني لاش عرفتيني من الاول من نهار عرفتكومصائيب جاييني من كل قنت ...دخلتك كحلة عليا وعلى ايامي ..كنت عيشة هانية تشفت وجهك ...علاش تخزن عليا مرض بابا الكداب علاش ستغليتي مرضو اطماع الشفار ...علاش متقولش ليا بابا تيموت وخلتيني محبوسة حدداك ...انا هضرتها قسحتني ولكن عارف كون كنت في بلاستها نقدر ندير كتر منها را مجرد فكرة ان واحد يقدر يخسر شخص تبغيه را تخلي لواحد حياتو جحيم...انا مشيت وعنقتها وزيرتها بجهد وهي تتبكي في صدري وتتقول ليا ..-..يوسف علاش مقولتيهاش ليا ...علاش تافقتو بعدتوني على بابا في اخر ايامو...يوسف علاش قبلتي تخليني بعيدا عليه وهو محتاجني ..علاش عيشتوني في وهم...انا بقيت معنقها وتنبكي ...شوي دفعتني بشوي ومشات نعسات وتتبكي ونفس محبوسة ليها...مشيت نعست حداها وعنقتها من ظهرها وتنقول ليها سكتي ولعملية غادية تنجح وبابك مزال حي لاش درتيه مشا..حشومة علك تديري في راسك هاد الحالة وانا تنبكي كتر منها من بعد مفقدت صبري وتفكرت ايام خسرت الاب ديالي وكيف فقدانو خلى ليا بلاسة خاوية في قلبي....بقيت معنقها وهي تبكي تنعسات بين ايدي.. 

الساعة 6.00

...فقت في صباح اول حاجة درت صونيت لماماها وسولتها على خبار المدير وقالت ليا راه بخير وفيق وشوي يجي طبيب يدير الإجراءات باش يديرو ليه لعملية وقالت ليا را خاص نمشي لخدمة نقاد الأومور ومن بعد نجي السبيطار ..مبغيتش نفيق احلام خليتها ناعسة ودرت لفطور بزربة وخرجت...

*هي

...حسيت بيوسف ملي فاق ودرت راسي باقا ناعسة ..خليتو تخرج وسونيت لخدمة وقلت ليهم مجياش وبان لي معجبهم حال ..جمعت حويجي وسونيت لصحبتي نورة تجي عندي.....

الساعة 9.05

...جات نورة حكيت ليها اش وقع وقلت ليها محتاجاك توصليني لدار ..هي بقات تهدي فيا وتقول ليا هاد شي لتندير را ماشي معقول ولكن انا لي عارفة اش تندير ...وصلاتني لدار ولقيت غير الخدامة وحطيت حويجي ومشيت كلينيك عند بابا..مع شافتني ماما قالت ليا فين هو يوسف قلت ليها مشفتوش ..ومشيت عند بابا نجلس معاه ..لي حتى هو سولني عليه .. بديت نكره راسي ولاو مهتمين بيه كتر مني ...

الساعة 10.45

*هو

...مشيت قاديت شي أمور في الخدمة وقلت نمشي لدار نشوف احلام كيف بقات ونديها تشوف باباها قبل لعملية...دخلت لقيت لفطور باقي كيفما خليتو ..وحويجها مكينينش ..فهمت ...حسيت بشي حاجة ضرتني في قلبي وفشلت ومعرفت اش ندير ..مشيت لكلينيك ..دخلت لقيت كلشي مجموع تماك ووقفين وطبيب داخل عندو.. وقفت قريب من احلام غير باش منبينش ومشفتش ليها في وجها ماشي حيت محملهاش ولكن مبغيتش مزال نفرض عليها راسي ...

#هي_هو_و_30_يوم 

#الحلقة_31

الاتنين 7 اكتوبر

 اليوم 20

الساعة 12.10

*هي

...ملي جا يوسف ما شاف فيا ولا سولني ...وبين فيه لعيا في وجهو ..ولا محيلتو لخدمة ولا حيلتو لصخرة ولا حيلتو يتعامل معانا...وليت انا باغا غير كيفاش نقول ليه بشوي على راسك وخوفني عليه...ولكن هو ممعبرنيش اصلا ...

الساعة 22.00

..5  سوايع ولخلعة شاداني ..بابا داخل تيدير في العملية وخيفة وتنطلب الله تنجح ...من بعد صافي مبقيتش قادة نصبر ووليت حاسة بشي حاجة وقعات...خرج طبيب وقال لينا مبروك لعملية نجحات ورا لحالة مسقرة ...اوووف على راحة حسيت بيها عنقت خوتاتي وفرحانة ..وطبيب جر ماما ويوسف ومشا يهضر معاهم ....جات ماما قالت لينا صافي سيرو لديوركم را ميمكنش نشوفوه ليوم و عيطات ليا ...وقالت ليا را عرفتك جمعتي حويجك وهاد شي لدرتي را ماشي معقول ..وبقات تخاصم فيا..وقالت ليا سيري مع رجلك باتو هاد ليلة في الدار مع خواتاتك و من بعد ونتفاهم معاك...انا متسوقتش ليها مهم بابا يولي لباس ...ركبت  مع ختي في سيارة ومشينا لدارنا ...دخلنا وتنتسناو يوسف يلحق علينا وتعطل ..ومرديتش نسوني ليه واخا شداتني لخلعة لتكون وقعات ليه شي حاجة ..شوي سونا ليه راجل ختي وقال و اعتدر منو يوسف وقال ليه را كان ناسي شي حاجة في الدار وبلا منتسنوه راه بيت تماك... انا مشيت لبلاصتي ومزيرة وتنفكر في هاد شي لتندير ومخلوعة على يوسف ..وبالي مهنانيش عارفة راسي جرحتو وكنت قاسية معاه وهو مدار والو ..بالعكس هو زيروه كتر مني باش يتزوج بيا...وقبل طلب ديال بابا رغم انو ماشي بزز منو يقبل...بالي فيه غير يوسف جالس في بالكو بوحدو ومحتاجني و انا تصرفت بانانية 

الساعة 9.00

...فقنا صباح ومشينا كلينيك عند بابا لي لقيناه فيق..بقينا جالسين ويوسف مبانش ولكن مع الهضرة عرفت بلا جا صباح ومشا .....وبابا بقا يشكر فيه وتيقول لنا هو لي وقف معاه ومبغاش يخلعنا في الاول ملي سمع بلا هاد الخالة نادرة ديال لورم لتيكون قريب نخاع شوكي والحمد لله لجابت ليه ظروف و عرف بلا را عندو ودار احتياطات لازمة ...وانو كان حاس را لعملية متنجحش وستسلم ويوسف وماما لشجعوه ..وكان احتمال يموت ولا يتشلل بخطأ بسيط..ولكن الله حفظو ...وطلب مني سماح حيت مقال ليا والو وانو كان عارف اني منصبرش ... وقال ليا بنتي متسمحيش في راجلك ...عرفت ماما قالت ليه راني جمعت حويجي ومشيت دارنا....

الساعة 19.00

*هو

...من بعد نهار طويل بين الخدمة مشيت كلينيك انا والوليدة شفنا المدير لي لقيت غير مرتو معاه..جلسنا معاهم وبقاو ايوصيو فيا على احلام وي قولو ليا غير صبر ليها...رغم اني ممحتاش هاد الهضرة وهي ولات جزء مني دابا...وصلت لوليدة لدارها..ومشيت لدار ...مع دخلت سمعت تقرقيب و شميت ريحة طياب ...لقيت احلام في الكوزينة ..غير شافتني بدات تضحك وقالت سلام انا قلت ليها عليكم سلام ومشيت لدوش ...انا فرحت فاش شفتها ولكن نفسي مسمحاتش ليا نبين ليها ...باقي حاس بالخنقة جيهتها على ردة فعل لي  دارت ...

بقلم ايمانو ايمان

بقلم ايمانو ايمان#هي_هو_و_30_يوم 

#الحلقة_32

االثلاتاء 8 اكتوبر

 اليوم 20

الساعة 22.30

*هي

.... يوسف ملي دخل لدار مهدرش معايا ..عارفاه مقلق مني ومن حقو على هداك شي  لي درت ولي قلت ليه...انا منعس تيسمح ليا ونرضيه ...بقيت نضارب تحمرت دجاج وقليت بطاطا ودرت عشا على حقو وطريقو ..وهادي اول مرة نطيب حاجة مقادة وحاسة براسي درت شي حاجة..وتنتمنى غير هو يعجو طيابي ..لبست كسوة خفيفة ومزيرة جيبة لعين وتحتها غير 2 بياس وصيبت شعري وتقاديت مزيان ..حطيت لعشا وجلسنا مقابلين وتنشوف فيه وبغيتو غير يشوف فيا..بغيت غير كيفاش نقول ليه سمح ليا وهاد لمرة عمري نتخلى علك ونقول ليه را درتي بلاسة كبيرة في قلبي بهاد سرعة وانا مستعدة نكون ديالك بوحدك ... زعمت وبديت نسول فيه ..شفتي بابا ...اش درتي في الخدمة....وهو تجاوب على قد سؤال..سلينا العشا وغسلت لماعن وهو مزال مقلق مني .....مشيت لبيت نعاس وقلت نتسناه تيجي حدايا..ونطلب منو سماح..شوي دخل وبان لي هز الغطا عرفتو باغي ينعس في صالون..معرفت مندير والارض دارت بيا.. وانا مبقيتش مستحملة ..تجاهلو ليا..في وحاد لوقت مكنتش نتسوق ولكن هو من نوع رجال لتخليك تقربي منو بزز ومتستحمليش تقليقتو ..قلت نزعم كثر ...

الساعة 23.35

*هو

...عارفها بلا باغا تقرب مني ولكن معرفتش لاش مقدرتش نرتاح معاها في اللحظة..وليت خيف في اي لحظة تفرقني ..راني ممولفش على هاد شي ...من بعد موليت نبغيها وليت خيفنخسرها في أي لحظة ...صافي تعشينا وبغيت نعس راسي تنجمع افكاري ..ميت نبدل حويجي لقتها متكية تتسناني انا هزيت لغطى ويلاه نصلت شوميز باش نلبس حويج نعاس  وانا نحس بيها عنقاتني من ظهري ووتتبكي ..وقالت ليا متشوفش فيا ..بغيت نقول لك سمح ليا بزاف على لهضرة لي قلت لك وسمح ليا اني فكرت نمشي دارنا وخليتك بوحدك يوسف ..سمح ليا على كلشي ..يوسف عمري نتخلى عليك راني محتاجاك ديما معايا وجنبي .متخلاش عليا ..انا مصبرتش دموع طاحو من عيني مبقيتش حامل نشوفها تتبكي صافي ..درت عندها شديتها من كتافها بشوي وبديت نمسح ليها في دموعها وتنقول ليها باركا من لبكا الحمارة واش باغا تعماي انا ديما مسامحك ولكن عمرك تخليني بوحدي...وهي تبدا تمسح ليا دموعي تضحك ضحكة مخلطة بدموع وقالت ليا ها انتا تتبكي وتتقول ليا متبكيش وعنقاتني ...شديت ليها وجها من حناكها وبقيت نشوف فيها وتنقرب تتلقى فمي مع فمها وبستها وتنحس بمداق دموعها في فمي وانا تنبوس وهي مزيراني ..

*هي

...من بعد مقدرتش نتصور انو يقدر ينعس مقلق مني وبعيد عليا..عنقتو حبستو وقلت ليه يسمح ليا وشفت دموعو ..صافي رتاحيت ..وغير باسني من فمي مكرهتش ميطلقنيش..جلس فوق نموسية وجلست فوق ركابيه مقابلة معاه وفمي على فمو وتنحس بإديه تتلمسو ليا في جسمي كامل مرة خنابي مرة ظهري مرة لور اححح ..انا بديت نزيد قدام تحسيت بيا جالسة فوق من ...نصل ليا كسوى و سوتيانات وبدا يرضع وي مص في صدري وتبوس كتافي وعنقي احح صافي تا مبقيتش حاسة .. شوي وقف وانا بقيت جالسة ونصل سروال ديالو تا جا وجهي على ديالو اححح من وقفتو مكرهتش ناكلو غير باش نعرف بلا راه مستمتع وحاس تا هو بهاد نشوة لانا فيها ولكن مقدرتش..وقفني وزيرني على لحيط وبدا  يبوس فيا وكل بوسة فين و انا حاسة بديالو تيخبط في فخاضي وسخونيتو فوق كرشي وبغيت غير نشدو بايدي وندخلو مبقيتش صابرة ..دار ايديه لور وبدا يتلمس وانا تنتنهد تنصل ليا سليب ودار ايدو بين فخاضي وبدا يحرك فيها اححححح ركابية مبقوش قادين يهزوني ايدو ولات كملة ما من لنزلت ...وقال ليا عنداك نقصحك ...انا مسوقيش دابا ...قلت ليه لا غيردخلو حبيبي عتقني بيه ...وهو يفك ليا رجلي وحط راس ديلو فوق ديالي بشوي وبدا تدخل فيه احححح وانا مزيرة تنغوت تدخلو ...وبدا يدخل وي خرج فيه وانا نغوت وهو شادني من لور وتدخل فيه تسليت انا وترخيت وزاد من جهدو تسالا مع ساليت ..تكينا حدا بعضياتنا معاننقين وكل واحد فينا مشهي تاني لكن قلت ليه باراكا را تقسحت بالحلاوة ..صافي ونعسنا

اليوم 21

الساعة 7.00

*هي

..فقنا وجلسنا نفطرو بجوج وبغيت نصارحو اني فيقة ندفع استقالة ديالي من الشركة لي عاد تقبلت فيها ولي كنت نحلم نخدم فيها ولكن قررت نحاول نجح هاد زواج ووليت باغا يوسف يتقرب ني كتر ...انا فهمت انو ضحى ودار البابا خاطرو و انا كنت واخدة عليه نظرة مسبقة وخايب وظلمتو ورغم ذلك عمرو تشكى مني ..وعارفاه دابا محتاجني جنبو من بعدما بابا ولا خاصو مدة باش يمشي على رجليه وغادي يولي جالس فوق كرسي بابا قرر مع شريك ديالو يتيقو فيه كتر..  وولات شركة امانة فوق كتافو ..انا بغيت نكون سند ديالو من بعد مولا سند ديال بابا ... 

بقلم ايمانو ايمان#هي_هو_و_30_يوم 

#الحلقة_33

الاربعاء 9 اكتوبر

 اليوم 21

الساعة 22.00

*هو

...نهار طويل كيف العادة الخدمة وتمارة والمسؤولية كبرات...ولكن وليت نسى كلشي من بعد ما ندخل الدار ونلقى احلام واقفة قدامي .... تعشينا ومشينا بجوج البالكو وجلسنا حدا بعضياتنا مرة نهضرو مرة نسكتو ...احساس زوين بزاف تلقى شخص جنبك وي غير لك حياتك ..من بعد ما كنت نفضل نجلس راسي باش نلقا راحتي بعيد على ناس وصداع شكون قال غادي يجي وحد نهار ونولي خاصني نجلس حدا شخص اخر باش نرتاح ونسى صداع دنيا كاملة ومشي اي شخص ..احلام مرتي وحبيبتي ولا بلاش ...

*هي

... دفعت استقالة ديالي ومزال ماقلت والو ليوسف تنتسنى غير الفرصة باش نقولها ليه...من بعد ماتعشينا وجلسنا في البالكو ...هاد لجلسة لولات تعجبني ...ولي تتخليني نحس اني جنبو ولي تتخليني نشوف نحس بالهدوء وانا تنشوف يوسف هادء ومرتاح ..وبالاخص تنحس بيه ديالي بوحدي وممشاركني معاه حتى واحد ..استغليت لفرصة وقلت نقول ليه موضوع الاستقالة...-يوسف بغيت نقول لك شي حاجة ..راني قررت نخرج من الخدمة وليوم دفعت استقالة ..شاف فيا مصدوم ومستغرب وقال..-اشنو لي خلاك ديري هكدا؟ ...واش متأكدة من القرار ديالك؟ ...وعلاش مققولتي ليا والو في الاول ؟ ..-معرفتش حسيت براسي مبقيتش قادة نركز فيها ودابا ولاو في حياتي حويج اهم منها...- مهم هو تكوني متأكدة من القرار ديالك وكون قولتيها ليا في الاول نمنعك هاداك حلمك ومخاصش تخلاي عليه بهاد البساطة..شديت ليه في ايدو ..معرفتش كنت حاسة انه غادي يفرح ولكن بين ليا لعكس وزاد عجبني وزدت طمأنيت بالقرار لخديت ...شوي بقا يشوف فيا وقال ...-باباك ديما كان تقول ليا راه مفتاخر بيك وبشخصية قوية ديالك انك من نوع لي ماشي ساهل تخلاي على احلامك ورغم دلك كان تتمناك جنبو في الشركة وتشاركيه حلمو وتخليو شركة عندها اسم كبير في السوق ..آش بان ليك تخدمي في شركة باباك وتونسيني حتى انا...فاجئني بطلب ديالو واخا كنت مفكرة فيه ولكن مكنتش بغيت نقولها ليه من خوفي اني مبغيتش انه يحس اني فرضت عليه راسي ...ابتاسمت وقلت ليه خليني نفكر شوي ..وقلت نستغل فرصة ونسولو ..بقيت متردة..وخيفة حتى خرج سؤال راسو .. - يوسف قول ليا واش عمرك كنتي مع وحدة قبلي ؟.واش عمرك بغيتي شي وحدة..؟ يوسف واش كنت تتمنى شي وحدة تكون في بلاصتي دابا ؟ ..بقا ساكت ومشافش فيا في مرة وقلبي تضرب ...وتنتسنى هداك جواب لي يصدمني ..وشد ليا في ايدي وزير عليها وقال ..-..كيفاش واحد غادي نتمنى واحدة بلاصتك وانا عمري تتصورت في حياتي غادي يجي واحد نهار ويجلس جنبي شي واحد كيفما انتي جالسة ...تخيلي حتى فاش تزوجنا كل نهار كنت تنتسنا مغادي يكمل تنرجع بوحدي تاني... فينما كنت نشوفك وكنت نعرف انكي متخلتيش عليا وباقا صابرة رغم انك تزوجتي بيا بزز ..كنت تنحس بحال اول مرة نشوفك ...انا من نوع لتتجيه فرصة من كل حاجة ولا تخلى عليها عمرها ترجع ليه..وبالنسبة ليا انتي فرصتي لوحيدة وانتمنى عمرك تخلاي عليا ...قل هاد شي ووقف مشى ينعس مخلاني نقول والو ..تبعتو ونعست جنبو وعنقني من ظهري بلا محسينا تبدينا تاني....

بقلم ايمانو ايمان #هي_هو_و_30_يوم 

#الحلقة_34

السبت 12 اكتوبر

 اليوم 24

الساعة 20.15

*هي

...هاد الايام دازت كاملة زوينة وبقيت غير في الدار ومرة مرة نمشي لدارنا ..بقيت مدوزة نهار بين قراية الكتوبة وبين نتعلم كتر لطياب..مرة تصدق لحاجة مرة ندير شي فضيحة ههه ..وبليل اما نتمشا مع يوسف اما نبقاو في الدار نضحكو ومنوضينها ...وليوم قررت نعترف ليه بحبي ليه صافي مبقيتش قادة نصبر ...معرفتش كيفاش هاد شي جا ولكن بالنسبة ليا دابا يوسف هو هداك شخص لكان ناقصني في حياتي ...وليت محتاجاه جنبي ديما ..

*هو

...باغي غير نوصل لدار ..هاد الحلاوة والاحساس ديال ندخل ونلقاها تتسناني اما فرحانة وتتعنقني وتبدا تسول فيا كيف داز نهار ..ولا مغوبشة وتتقول ليا بغيت نطيب لك هادي وحرقت كلشي...وليت نتسنى لفرصة ونقول ليها تنبغيك ولكن مزال تتجيني تقيلة نخرجها ...ولكن ليوم قلت نزعم ودير ليها مفاجئة 

*هي

...هاد لمرة طيبت عشا زوين ومن زهر صدق ليا وقاديت جلسة رومنسية وقلت نفاجئو ...غير حسيت بيه دخل تعرضت ليه وعنقتو وبستو وخديت ليه فيستة وكرطابل وقلت ليه سير دوش راه واجد ...هو غير تضحك ...وانا مقديتش نحبس  ضحكة ..ضحكت وقلت ليه زرب دوش باش نتعشاو را قتلني جوع ..

*هو

... عجبني حال بزاف ملي لقيتها تتسناني وفرحانةلهاد درجة ...جلسنا نتعشاو ولقيتها موجدة بزاف لحوايج بقيت ناكل تكرشي تنفخات وهي تتبزز عليا نزيد لمبغيتش دير راسها تقلقات وتقول ليا انا بقيت نوجد وانتا مبغيش تاكل..وليت غير نخشي في وجهي باش هي ترضى ...سلينا لعشا انا مبقيتش قاد نتحرك ..جمعنا طبلة..وانا باغي لفرصة باش نفاجائها ...مشيت بيت نعاس وقلت تماك ندير لمفاجائة  ... غير دخلت لقيتها واقافة تتسنى وتضحك وقالت ليا هاد الكادو ليك ...مفهمتش اش من مناسبة لاش جابت كادو وانا لي كنت باغي نفاجئها ...حليت الكادو تنلقى وسطو رواية لي هديتها في عيد ميلادها "انا لست سارقا" ولي بغيتها تفهم منها اني ماشي لخاطري باش تزوجتها واني كنت مرغم باش نقبل...مهم انا مفهمتش لاش رداتها ليا وهي اصلا واش كانت فاهمة الميساج لي بغيت نوصل ...شفت فيها مستغرب وهي تقاول ليا فتح صفحة لولا قرا ...مع فتحت صفحة لقيها ضاربة على عنوان ديال رواية وكاتبة فوق منو " احببتك ولو كنت سارقي"..احاسيس دنيا دارت بيا كون لقيت كون عنقت كل حرف ن الجملة..درت ايدي في جيبي وجبدت صندوقا صغيرة وتحنيت على ركابيا وضاحك قلت ليها .-واش تقبلي تكوني زوجة ديالي وهاد المرة بالموافقة ديالك ..؟ 

*هي

...انا قلت نعترف ليه بحبي بطريقة تانية حقاش مقديتش نقولها ليه مباشرة..وفي نفس لوقت بغيت نوصل ليه انو ميهمش ولو تزوجنا بهاد الطريقة..كنت تنتسنى يعنقي ولو ميقولش ليا هو راه كيبغيني ...ولكن صدمني فاش تحنى وطلب مني نتزوجو بالموافقة ديالي.فكيت صندوقة لقيت فيها سنسلة ديال دهب وفيها قلب ..فرحت وقلت ليه موافقة ..ووقف عنقني وقال ليا ..-كنبغيك ..انا عنقتو وحاسة براسي عمري كنت فرحانة كيفما انا فرحانة ليوم ....

بقلم ايمانو ايمان#هي_هو_و_30_يوم 

#الحلقة_35

الاتنين 14 اكتوبر

 اليوم 26

الساعة 7.45

*هو

...شاد طريق الخدمة ولكن هاد المرة غادية معايا حبيبتي لوفقات تخدم في الشركة ديال باباها ولي فرح فاش عرف بنتو وافقات تخدم عندو ... جالسة حدايا وتتقول ليا عنداك تمل مني وتضحك...طريق دازت زوينة واول مرة تنتمناها لو كانت طول ..

*هي 

..قلت نجرب لخدمة مع حبيبي وعند بابا ولي شرطو عليا نخدم غير نص نهار في الاول ونبقا حدا المحاسيب ديال شركة نستافد منو ..تنتسنا غير امتاش نوصلو ونشوف لجو ديال لخدمة لتيعيشو يوسف...مع دخلنا شركة كلشي بقا يشوف فينا ..دخلت معاه لبيرو وعيط على لمحاسيب باش نبقى معاه ..صدقات نيت بنت ولي بان لي معجبهاش لحال وضاحكة من غير خاطرها ..مشيت معاها وبدات تفهمني خدمتها لانا اصلا حافضاها وعارفاها وبدات توريني شي وراق وتبعدني من شي وراق وانا مطمأنيتش ليها...شوي وهو يدخل عندها المهندس لي كنت ناسياه ..فاش شافني تصدم ..سلم عليا ومعرف ميقول ومشا ...

الساعة 13.00

...وصل لوقت نمشي لدار نتغدا ...خليت لمحاسيبة سبقاتني وهزيت وحد ملفات مخلاتنيش نقيسهم ..هي اصلا محملاتنيش وملي جا المهندس وهي تخنزر وحانية راسها في تيلي ...مشينا لدار تغديت انا ويوسف ومشا لخدمة وهزيت لملفات...مع كل ورقة تنلقا لحسابات ماشي هي هاديك ..عرفت بان لمحاسبة تدير الغش .... ولكن قلت تنتأكد ..شوي تيلي بدا يسوني ..لقيت مساج جاني من نمرة ممعروفاش ومساج فيه تصور ديال يوسف مع شي بنت لبينة مقربة ليه وبينين تصاور قدام ولكن انا شفتهم تخنقت ومرضت في راسي ...تنسوني لنمرة مطفية ...شي بدات تسوني ليا مع قلت الو هضرات معايا بنت وقالت ليا غير باش تعرفي راجلك اش ساوي ...سونيت لنورة جات عندي ...مع شافت تصاور وعرفات لبنت وقالت ليا را هي لكانت في الحفلة وجرها هداك الولد ...وفي نفس لحظة جا في بالي يوسف...ولكن هو قال ليا عمرو كان مع شي بنت قبلي لاش كدب عليا ...بقيت غير نتسنى فيه يجي وتنبكي ...

الساعة 20.00

*هو

...جاي متشوق نشوف احلام ....ولكن مع دخلت من غير العادة لقيتها متتسنانيش ..تيلي سونا..مساج من عند احلام وفيه تصاوري ديالي مع هدى ..تصاور قدام .. ولكن شكون صورنا ومسيفطهم ليها...طليت في صالون لقيتها جالسة وتتبكي ...مع شافتني قالت ليا ممكن تشرح ليا هداك شي لي في تصاور ...وشكون هديك لبنت...انا معرفت مين نبدا .. بقيت نشرح ليها انها مجرد صديقة كانت متقربة مني وان مكان بينا والو ...ولكن هي مدخلتش ليها راسها وقالت ليا ..-مضرنيش انك كنت مع وحدة قبلي كتر ما ضرني انك كدبتي عليا ومزال تتكدب...وناضت دازت من حدايا حانية راسها تتبكي شديتها من ايدها ومزيرتش ولكن موقفاتش ومشات لبيت نعاس ....

بقلم ايمانو ايمان#هي_هو_و_30_يوم 

#الحلقة_37

الاربعاء 16 اكتوبر

 اليوم 28

الساعة 8.00

*هي

... فقت لقيت يوسف مشا الخدمة ..ولقيت مخلي لفطور وحداهم بوكي ديال الورد وورقة مكتوب فيها سمحي ليا لحطيتك في هاد الموقف ...انا مزال خاطري تقيل حقاش من حويج لكانو عاجبيني فيه هو صراحتو وانو يفضل يسكت على انو يكدب...ومكدب عليا تا باقي مدير ليها بلاصة في قلبو...مشيت لشركة مع جلست في البيرو ...توقفات عليا هدى وقالت ليا منمشي تتسمعي اش نقول لك ..وبدات تقول ليا را عمرها كانت بينها وبين يوسف شي حاجة وقالت لياىرا كانو اصدقاء قراب ..شوي قالت ليا ان يوسف اعز شخص ليها وتتعتبرو بحال خوها وانها تمنات شخص بحالو وبدات تخصم فيا وتتقول ليا ملي وحدة يجيها بحال هاد ولد ناس ماشي اقل حاجة تقلب وجهها عليه...هاد الهضرة كون قالتها شي بنت نود نتفها ولكن معرفتش لاش حسيت بيها منوياش شر وتتخاصم فيا بحال ختي ...بقيت غير نشوف فيها ... وشوي ناضت من بلاصتها وعطاتني تيلي ديالها وقالت ليا عندك لحرية تقراي مساجاتي مع يوسف وتشفي تصاوري معاه كاملين باش تأكدي ومشات وخلات تيلي..مدخلتش ليا راسي كيفاش تتفكر ....انا بديت نقرا كل مساج وتنشوف تصاور...عرفت انها كانت تتبغيه ولكن هو كان يتصرف معاها بحال اختو وكتر وانو كان تيق فيها لدرجة قريت مساجاتو عليا وخوفو من زواج وكيفاش تتشاور معاها وهي تتشجع فيه يتزوج ..مهم خديت وقتي وقريت كلشي..وعرفت انها مخطوبة دابا ..وشفت تصاورو معاها لي تقريبا كاملين فيهم ضاحك لخلاوني نحس انها قريبة منو لدرجة خلاتني نغار ...ولكن انا تسرعت تاني وحكمت عليه انو كداب من بعدما كنت حاكمة عليه بي طمع وشر ...هو حبابو وصحابو قلال ومحبتي ليه غادية وتتزيد وعارفاه ماشي من نوع لخائن وتا هدى بانت ليا بنت ناس...داز لوقت وجات عندي وقالت ليا نتمنى تكوني طمأنيتي ..بقيت نشوف فيها وقلت ليها نسولك ...-واش باقا تتبغيه...حنات راسها وتنرفزات وبدات تتهضر بشوي وشافت فيا وقالت ..-ميهمش واش تنبغيه ولا لا مهم راه تبغيك بزاف وعمري شفتو تي شوف شي واحد كيف تيشوف فيك ..يوسف عرفتو من شحال ولي خلاني نبقا قريبة منو هو قلبو البيض ...وانتي اكتر واحدة عارفة هاد شي حنا بجوج واخا كون بقينا 100 عام بجوج عمرها كانت تكون شي حاجة بيناتنا... متسمحيش فيه را عمرك تلقاي حسن منو ...-علاش فاش تزوجت مبقيتوش تتهضرو بزاف؟ ..-ميمكنش نبقاو كيف كنا را ولا بمرتو ودارو وانا قريبة نولي براجلي وداري...قالتها وتضحك ...وانا بدات دخلي لقلبي لي شافها في اول زوينة هاكا وواقفة يقول هادي بينة منفخة ولكن لعكس ...انا قلت ليها بلا منحس واش نقدو نوليو صحابات ...

الساعة 19.00

*هو

....مشيت لدار بي بوكي لورد تاني وتنتمنى متبقاش مقلقة مني...مع دخلت لقيتها تتسناني وجات عنقاتني وقالت ليا مح ليا حبيبي...راني ظلمتك ومقداش نهز عيني فيك...قلت ليها من حقك وكان عليا نهضر ليك عليها واخر مرة تشكي فيا حبيبتي راني عمري نكدب علك ولا نآديك بشي حاجة واش مبغاش تفهمي رانا تنبغيك كتر من اي حاجة متبقيش تبعدي عليا ...وشافت ليا في عيني ودموعها نازلين وباستني من حنكي وقالت ليا يلا دابا تعشى واجي نكمد ليك رجليك ومتقولش ليا لا ...تعشينا وبدات تهضر ليا على هدى وقالت ليا دخلات لقلبها وعودت ليا على نهار لحفلة فاش شافتني جريتها ...جلسة كاملة غير على هدى ..ووراتني تصاوري معاها خادتهم من تيلي ديالها..وقالت عجبوها...سولتها بضحك واش مغارتش بدات تضحك وقالت ليا كون صبت نقجكم بجوج ولكن تنفرح ملي تنلقى ناس تيبغوك لهاد درجة وعارفاك ديالي بوحدي ههه...وقلت ليا باغا نعترف ليك اني كنت مع واحد قبلك ولكن كانت علاقة سطحية وتنتمنى تسمح ليا ومنكونش جرحتك...قلت ليها كنت عارف وكان ديما هو تيبدا يعاود لصحابو في شركة انو مصاحب مع بنت المدير ومكانش يعجبني الحال ودابا تهمني هاد شي لي بينا كتر من داك شي لي كان في الماضي...وانا تنبغيك دابا كتر من اي حاجة 

بقلم ايمانو ايمان#هي_هو_و_30_يوم 

#الحلقة_38

الحلقة الاخيرة

الخميس 17 اكتوبر

 اليوم 29

الساعة 6.00

*هي

..فقت صباح جنب حبيبي وحياتي ..فقت من بعد ليلة طويلة وزوينة فيقة مرخية وناشطة ومسخياش بيه..بستو من فمو وحس بيا وفاق تشوف في وتضحك ..عودت بستو ومشيت دوشت درت فطور ..ولبست وتقاديت ...فطرنا بجوج ومرة نوكلو وي وكلني ونبوسو وي بوسني فطرنا معانقين ...ومرة مرة يقول ليا كنبغيك وانا مرة نقولها ليه كون ما الخدمة نقى معنقاه نهار كامل ...مشينا الخدمة فرحانين وجلست في لبيرو سيفط ليه مساج قلت ليه توحشتك وهو هو جاوبني بمساج في تنبغيك ...احح على احساس كيف دير حاسة براسي تنحلم ..

الساعة 11.25

*هو

...وليت خدام وفرحان ومرتاح في نفسي ..تزوجت بنت وبغيتها وعائلتها مديريني بحال ولدهم وهي خدامة جنبي وفاهماني مزيان...وليت تنتسنى غير هاديك لحظة نرجعو لدار ونبقاو غير جوج في علامنا..

الساعة 21.00

...مشينا لدار لمدير معروضين لعشا ولقيت  تا لوليدة وراجها ورجال خوتاتها ..تعشينا مجموعين كلشي ضاحك وفرحان ...وانا مرة مرة نشوف في احلام منغمزها ونضحكو ...وهي مرة مرة تشوف فيا وتغمزني ...سلينا لعشا ولسقونا نباتو ....مشيت مع المدير وراجل بنتو الكبيرة جلسنا في جردة وتقابلنا معا بيت احلام ...بقا هاضر معايا على لخدمة تسالا ومشاو بجوج وبقيت انا جالس ..شوي احلام خرجات البالكو وتقابلات معايا ....احلام لبنت لعمري تصورت نكون معاها ولا تجمعني معاها تا صدفة ...لبنت لدخل ليا حبها دقة دقة وداوا جروح قلبي ورجعني لحياة... كنت تنتمنى نبقى بوحدي وعمري نتزوج ولكن هي دخلات لعلام ديالي وعطاتني امال في حياتي....... ...كنبغيها

*هي

....تقابلت مع حبيبي وتنشوف فيه ومبتاسمة ....حبيبي لهداه ليا بابا باش ياخد بلاصتو ولكن الله خلاهم ليا بجوج ...يوسف الشخص لكرهتو وكرهت نهار شفتو...وليت نموت عليه ومقادراش نتخلا عليه ....يوسف لبكاني في كرهو وبكاني فيحبو...يوسف لي تزوجتو مرغمة وبغيتو بخاطري ..... ....كنبغي